Dinamalar

குட் பேட் அக்லி - முன்பதிவு நிலவரம் என்ன?

அஜித், திரிஷா மற்றும் பலர் நடிப்பில் ஆதிக் ரவிச்சந்திரன் இயக்கத்தில் உருவாகியுள்ள 'குட் பேட் அக்லி' படம் நாளை மறுதினம் (ஏப்ரல் 10) வெளியாகிறது. இப்படத்திற்கான முன்பதிவு ஆரம்பமாகி விறுவிறுப்பாக நடைபெற்று வருகிறது.

முதல் நாளுக்கான முன்பதிவு ஏறக்குறைய அரங்கு நிறைந்த காட்சிகளாக அமைந்து 'குட்' ஆக உள்ளது. அதற்கடுத்து வெள்ளிக்கிழமை 'பேட்' என்று சொல்ல முடியாத அளவிற்கு பாதியளவு அரங்குகள் நிறைந்துள்ளது. அதே சமயம் சனி மற்றும் ஞாயிற்றுக்கிழமைகளில் விடுமுறை நாட்கள் என்பதால் மல்டிபிளக்ஸ் தியேட்டர்களில் 'குட்' ஆகவே உள்ளது. சுமார் 75 சதவீதம் அளவிற்கு தற்போது முன்பதிவு நடந்துள்ளது. அடுத்த இரண்டு நாட்களில் மீதமுள்ளதும் முன்பதிவு செய்யப்பட்டுவிடலாம்.

படம் வெளியாகும் வியாழக்கிழமை முதல் ஞாயிறு வரையில் படத்திற்கான ஓபனிங் சிறப்பாகவே இருக்கும் என எதிர்பார்க்கப்படுகிறது. வார இறுதி வசூலில் எப்படியும் 100 கோடியைக் கடந்துவிடும் என பாக்ஸ் ஆபீஸ் வட்டாரங்களில் தெரிவிக்கிறார்கள். படம் நன்றாக இருந்தால் அடுத்த வார வேலை நாட்களிலும் படத்திற்கு ரசிகர்கள் வர வாய்ப்புள்ளது.

படத்திற்கான பட்ஜெட் 200 கோடிக்கும் அதிகம் என்கிறார்கள். 350 கோடிக்கும் அதிகமாக வசூலித்தால் மட்டுமே படம் லாபம் தரக் கூடியதாக இருக்கும். ஓடிடி, சாட்டிலைட் உரிமை மூலம் 100 கோடி வரை வந்திருக்கலாம். இருந்தாலும் தியேட்டர் வசூல் மட்டுமே முன்னணி நடிகர்களின் மார்க்கெட் நிலவரத்தை உறுதி செய்கிறது.

• 
  சாய் பல்லவி நடித்துள்ள ஏக் தின் ஹிந்தி படத்தின் டிரைலர் வெளியானது
• 
  மும்பை துப்பாக்கிச்சூடு சம்பவத்தை மையப்படுத்தி உருவாகும் படத்தில் ...
• 
  துரந்தர் பட ரசிகர்களுக்கு சர்ப்ரைஸ்
• 
  ரிலீஸாகி எட்டு மாதங்களுக்குப் பிறகு ஓடிடியில் வெளியாகும் சித்தாரே ஜமீன் ...
• 
  துரந்தர் படம் பாகிஸ்தான் ரசிகர்களுக்கும் பிடிக்கும் : ஆதித்யா தர்

• 
  வேண்டுமென்றே சர்ச்சை... நீக்காவிட்டால் சட்ட நடவடிக்கை: ராஷ்மிகா ...
• 
  சிம்புவை அணுகிய சூர்யா 47 படக்குழு
• 
  பிளாஷ்பேக்: பாடலாசிரியராக, வசனகர்த்தாவாக கலையுலகின் கவனம் ஈர்த்த ...
• 
  காமெடி கலந்த க்ரைம் த்ரில்லர் படங்கள்: இந்த வார ஓடிடி வரவுகள்...!
• 
  என் மனைவி ஆர்த்தி இல்லை என்றால் தயாரிப்பாளராகி இருக்க மாட்டேன் : ...