ரஜினிக்கு மட்டுமே சூப்பர்ஸ்டார் பட்டம் பொருத்தமாக இருக்கும் - குஷ்பூ சொன்ன பதில் - Only Rajinikanth deserves the title of Superstar

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

ரஜினிக்கு மட்டுமே சூப்பர்ஸ்டார் பட்டம் பொருத்தமாக இருக்கும் - குஷ்பூ சொன்ன பதில்

07 மார், 2025 - 05:18 IST

எழுத்தின் அளவு:

Only-Rajinikanth-deserves-the-title-of-Superstar---Khushboos-response

தமிழ் சினிமாவில் கடந்த 45 ஆண்டுகளுக்கு மேலாக சூப்பர் ஸ்டாராக இருந்து வருகிறார் ரஜினிகாந்த். அவருக்கு பிறகு சிம்பு, லிட்டில் சூப்பர் ஸ்டார் என்று, தான் சிறுவனாக நடித்த போது ஒரு பட்ட பெயரை சூட்டிக்கொண்டார். என்றாலும் அந்த பட்டத்தை அவர் தொடரவில்லை. அதையடுத்து தனுசுக்கு இளைய சூப்பர் ஸ்டார் என்ற பட்டத்தை தயாரிப்பாளர் எஸ்.தாணு சூட்டினார். ஆனால் ரஜினி ஒருவர் மட்டுமே சூப்பர் ஸ்டார் என்று சொல்லி அதை அவர் ஏற்கவில்லை.

இப்படியான நிலையில், கதையின் நாயகியாக தான் நடித்த படங்கள் அடுத்தடுத்து வெற்றி பெற்றதை அடுத்து லேடி சூப்பர் ஸ்டார் என்ற பட்டத்தை சூட்டிக்கொண்டார் நயன்தாரா. ஆனால் சமீபகாலமாக தான் நடித்த சில படங்கள் அதிர்ச்சி தோல்வியாக அமைந்ததை அடுத்து இனிமேல் என்னை லேடி சூப்பர் ஸ்டார் என்று யாரும் அழைக்க வேண்டாம் என்று சமீபத்தில் கேட்டுக் கொண்டார் நயன்தாரா.

இந்த நிலையில் நடிகை குஷ்பு இடத்தில் லேடி சூப்பர் ஸ்டார் பட்டத்தை நயன்தாரா தவிர்த்து குறித்து கேட்டபோது, ''நடிகர் நடிகைகளுக்கு பட்டம் கொடுக்க வேண்டியதில்லை. நான் நடித்தபோதெல்லாம் யாருக்கும் இது போன்ற பட்டங்கள் கொடுக்கப்படவில்லை. அதனால் நயன்தாரா லேடி சூப்பர் ஸ்டார் பட்டத்தை தவிர்த்து இருப்பது சரியான முடிவாகவே நான் பார்க்கிறேன். என்னை பொறுத்தவரை சூப்பர் ஸ்டார் என்றால் அது ரஜினிகாந்த்க்கு மட்டுமே பொருத்தமாக இருக்கும். மற்றபடி எந்த நடிகர்களையும் பட்டப்பெயர் வைத்து அழைக்காமல் பெயரை சொல்லி அழைத்தாலே போதுமானது என்பதே என்னுடைய கருத்து'' என்று கூறினார் குஷ்பூ.

Kushboo

Rajinikanth

Superstar

Nayanthara

கருத்துகள் (0) கருத்தைப் பதிவு செய்ய

'சென்னை-28' படத்தின் மூன்றாம் ...

பைசன் முதல் பார்வை வெளியானது

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய