Dinamalar

'டிராகன்' 100 கோடி: நன்றி சொன்ன இயக்குனர்

100 கோடி ரூபாய் வசூலை தனது இரண்டாவது படத்திலேயே பெற்றிருக்கிறார் இயக்குனர் அஷ்வத் மாரிமுத்து. அவர் இயக்கிய முதல் படமான 'ஓ மை கடவுளே' படமும் வியாபார ரீதியாக வெற்றிப் படமாக அமைந்தது. இருந்தாலும் இரண்டாவது படத்தில் வளரும் நாயகனான பிரதீப் ரங்கநாதனை நடிக்க வைத்து 100 கோடி வசூலைப் பெற்றிருப்பது சாதாரண விஷயமல்ல.

தனது 'டிராகன்' படம் 100 கோடி வசூலைப் பெற்றதற்கு நன்றி தெரிவித்து, “அன்புள்ள ரசிகர்களே, என் குழுவிற்கு நீங்கள் அளித்த அனைத்து அன்புக்கும் 100 கோடி நன்றி. தனிப்பட்ட விதத்தில், வெளியீட்டிற்கு முன்பு சிலர் என்னுடைய தன்னம்பிக்கையை உடைக்க முற்பட்ட போது, 'நாங்க இருக்கோம் பார்த்துக்கலாம்' என்று சொன்ன உங்க எல்லோருக்கும் நன்றி. இந்த படத்தில் உள்ள தவறுகளை சரி செய்து, அடுத்த படத்தை சிறப்பாகத் தருவேன் என சத்தியம் செய்கிறேன்,” என அஷ்வத் மாரிமுத்து குறிப்பிட்டுள்ளார்.

'டிராகன்' படம் வெளியான 10 நாட்களில் 100 கோடி வசூலைக் குவித்துள்ளது. இந்த ஆண்டில் 'விடாமுயற்சி' படத்திற்குப் பிறகு 100 கோடி வசூலைத் தந்த இரண்டாவது படம். ஆனால், லாபகரமான முதல் 100 கோடி படம் என்பது குறிப்பிடத்தக்கது. 'லவ் டுடே' படத்திற்குப் பிறகு தனது இரண்டாவது படத்தையும் 100 கோடி கிளப்பில் சேர்த்துள்ளார் பிரதீப் ரங்கநாதன். அவர் நடித்து அடுத்து வெளியாக உள்ள 'லவ் இன்ஷுரன்ஸ் கார்ப்பரேஷன்' படமும் அப்படி வசூலித்தால் ஹாட்ரிக் 100 கோடி. நடக்குமா என பொறுத்திருப்போம்.

• 
  கத்ரினா கைப் - விக்கி கவுஷல் நட்சத்திர தம்பதிக்கு ஆண் குழந்தை பிறந்தது!
• 
  வெப் தொடரான கார்கில் போர்
• 
  மகேஷ்பாபுவின் கிண்டலுக்கு பிரியங்கா சோப்ரா பதில்
• 
  இன்றைய ரசிகர்கள் எப்போதும் இல்லாத அளவுக்கு புத்திசாலிகளாக உள்ளனர் : யாமி ...
• 
  நிகழ்ச்சிக்கு தாமதமாக வந்த மாதுரி தீக்ஷித் : கோபத்தில் வெளியேறிய ...

• 
  சினிமாவில் எதுவும் நிரந்தரமில்லை! : நந்திதா
• 
  அனுஷ்கா பிறந்தநாளில் வெளியான 'கதனார்' படத்தின் அழகிய போஸ்டர்!
• 
  யஷ் படத்துடன் மோதுவதில் பயமில்லை : தெலுங்கு இளம் ஹீரோ தில் பேச்சு
• 
  ராஜமவுலி, மகேஷ்பாபு படத்திலிருந்து வெளியான பிரித்விராஜ் முதல்பார்வை
• 
  கமலின் 'நாயகன்' படத்தின் ரீரிலீஸுக்கு தடை விதிக்க மறுத்த நீதிமன்றம்!