Dinamalar

ராஜமவுலி 'டார்ச்சர்' செய்வதாக முன்னாள் நண்பர் குற்றச்சாட்டு

தெலுங்குத் திரையுலகத்தின் முன்னணி இயக்குனர்களில் ஒருவரான ராஜமவுலி குறித்து சமூக வலைத்தளங்களில் நேற்று கடும் பரபரப்பு ஏற்பட்டது. அவரது 34 வருட கால நண்பரான ஸ்ரீனிவாஸ் ராவ் என்பவர் வீடியோ பதிவொன்றையும், ஒரு கடிதத்தையும் வெளியிட்டதுதான் அந்த பரபரப்புக்குக் காரணம்.

ராஜமவுலி மற்றும் அவரது மனைவி செய்யும் டார்ச்சரால் தான் தற்கொலை செய்து கொள்ளப் போவதாகவும் அவர் தெரிவித்துள்ளார். அதில் அவர் கூறும்போது, “நான் ராஜமவுலியுடன் எமதொங்கா படம் வரை நல்ல நட்புறவில் இருந்து வந்தேன். ஒரு பெண்ணுக்காக என்னை தூக்கி எறிந்து விட்டார் ராஜமவுலி. 55 வயதாகும் நான் இன்னும் திருமணம் செய்யாமல் தனி ஆளாக இருப்பதற்கு ராஜமவுலி தான் காரணம். அவருக்காக என் காதலை தியாகம் செய்தேன். என்னுடைய தற்கொலைக்கு காரணம் என்றால் அது ராஜமவுலியும் அவரது மனைவி ரமா இருவரும் தான்.

நானும் ராஜமவுலியும் மிக நெருங்கிய நட்பில் இருந்த விஷயம் விஷயம் இசையமைப்பாளர் கீரவாணி, தயாரிப்பாளர் சந்திரசேகர் ஏலட்டி, இயக்குனர் ஹனு ராகவபுடி உள்ளிட்டோருக்கு நன்றாகவே தெரியும். எங்களது இந்த நட்பில் ஒரு பெண் குறுக்கிடுவார் என்று நான் நினைத்துக் கூட பார்க்கவில்லை. ஒரு பெண்ணுக்காக என் வாழ்க்கையை அழித்து விட்டார் ராஜமவுலி” என்று கூறியுள்ளார் சீனிவாச ராவ்.

இது குறித்து ராஜமவுலி தரப்பிலிருந்து எந்த விதமான பதிலும் வரவில்லை. அவர் தற்போது மகேஷ்பாபு நடிக்கும் படத்தின் படப்பிடிப்பில் பிஸியாக இருக்கிறார்.

• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி

• 
  தனுஷை தொடர்ந்து கார்த்தியை இயக்கும் எச்.வினோத்?
• 
  விஜய் அரசியலுக்கு வருவது சமூகத்தின் மீதான அக்கரையை காட்டுகிறது!- ...
• 
  ஜனநாயகனை விட பராசக்திக்கு கூடுதல் தியேட்டர்கள் ஒதுக்கப்பட்டுள்ளதா? - ...
• 
  நீலாம்பரி போல கதாபாத்திரங்கள் கிடைத்தால் நடிப்பேன் ; நமீதா விருப்பம்
• 
  படங்களின் லாப நட்ட கணக்கை ஏன் வெளியே சொல்ல வேண்டும் ? நிவின்பாலி கேள்வி