Dinamalar

மெளன ராகம் ஜோடி இப்போது ரியல் ஜோடி ஆகிறார்கள்

மலையாள சின்னத்திரை நடிகரான சல்மானுல், தமிழில் மெளன ராகம் சீசன் 2 வில் ஹீரோவக நடித்தார். தற்போது ஆடுகளம் என்ற தொடரில் நடித்து வருகிறார். தமிழிலும் இவரது நடிப்புக்கு நல்ல வரவேற்பு கிடைத்து வருகிறது. இவர் மலையாள சீரியலில் தன்னுடன் இணைந்து நடிக்கும் மேகா மகேஷ் என்பவருடன் அடிக்கடி புகைப்படங்கள் ரீல்ஸ்களை வெளியிட்டு வந்த நிலையில், பலரும் இவர்கள் இருவரும் உண்மையில் காதலிக்கிறார்களா? என கேட்டு வந்தனர்.

அதை உறுதிப்படுத்தும் வகையில் சல்மானுலே தனது இன்ஸ்டாகிராமில் மேகா மகேஷ் உடனான தனது காதலை அதிகாரப்பூர்வமாக அறிவித்துள்ளார். அதில், ‛‛மிஸ்டர் அண்ட் மிஸ்சஸ் சஞ்சு முதல் மிஸ்டர் அண்ட் மிஸ்சஸ் ஆகி உள்ளோம். எங்கள் வாழ்வில் மகிழ்ச்சி, அன்பு, அக்கறை, ஏற்ற இறக்கங்கள், துன்பங்கள், பயணங்கள் என அனைத்தையும் பகிர்ந்துகொள்ள முடிவு செய்திருக்கிறோம். எங்களுக்கு ஆதரவளிக்கும் அனைவருக்கும் மிக்க நன்றி என குறிப்பிட்டுள்ளார்.

மெளன ராகம் சீரியல் முடிந்த கையோடு மலையாளத்தில் மிழி ரண்டிலும் என்கிற தொடரில் சல்மானுல் ஹீரோவாக கமிட்டானார். அந்த தொடரில் சல்மானுலுக்கு ஜோடியாக நடித்து வருபவர் தான் மேகா மகேஷ். பல நாட்களாக கேமராவிற்கு முன் மட்டுமே காதலித்து வந்த இந்த ரீல் ஜோடி, மிக விரைவில் ஆப் ஸ்கிரீனிலும் ஜோடி சேர உள்ளனர்.

• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...
• 
  சினிமா ஆனது இந்தியாவின் முதல் மகாத்மாவின் வாழ்க்கை
• 
  பழம்பெரும் ஹிந்தி நடிகர் மனோஜ் குமார் காலமானார்
• 
  முதல் கடார் என் சினிமாவை மூடியது... இண்டாவது கடார் திறந்து வைத்தது : சன்னி ...
• 
  'ரெய்டு 2' படத்தில் சிறப்பு பாடலில் தமன்னா!

• 
  சின்னத்திரை காமெடி நடிகை ஷர்மிளா மீது பாஸ்போர்ட் மோசடி வழக்கு பதிவு
• 
  நீரும் நெருப்பும், அந்நியன், பிகில் - ஞாயிறு திரைப்படங்கள்
• 
  அந்தரங்க வீடியோ என வைரல் : ஸ்ருதி நாராயணன் காட்டமான பதில்
• 
  சபாபதி, சந்திரமுகி, கல்கி 2898 ஏடி- ஞாயிறு திரைப்படங்கள்
• 
  வள்ளியின் வேலன் தொடரில் கவர்னர் வேடத்தில் இனியா