Dinamalar

பத்மபூஷன் - சீனியர் நடிகர்களுடன் இணைந்த அஜித்

இந்திய அரசு சார்பில் வழங்கப்படும் முக்கியமான விருதுகளாக பத்ம விருதுகள் இருக்கின்றன. இந்த வருடத்திற்காக அறிவிக்கப்பட்ட விருதுகளில் தமிழ் சினிமா நடிகர் அஜித்குமாருக்கு பத்ம பூஷன் விருது அறிவிக்கப்பட்டது.

தமிழகத்திலிருந்து இதுவரையில் 40க்கும் மேற்பட்டவர்கள் 'கலை' சார்பான பத்மபூஷன் விருதுகளைப் பெற்றுள்ளனர். அவர்களில் திரையுலகத்தைச் சார்ந்த இளையராஜா, ஏஆர் ரஹ்மான், வைரமுத்து, கேஜே யேசுதாஸ், எஸ்பி பாலசுப்ரமணியம், பி.சுசீலா, பானுமதி ராமகிருஷ்ணா, குமாரி கமலா, எம்எஸ் சுப்புலட்சுமி என பலரைக் குறிப்பிட்டுச் சொல்லலாம்.

நடிகர்களைப் பொறுத்தவரையில் சிவாஜிகணேசன், ரஜினிகாந்த், கமல்ஹாசன், விஜயகாந்த் ஆகியோருக்கு பத்ம பூஷன் விருதுகள் வழங்கப்பட்டுள்ளது. இவர்களில் விஜயகாந்துக்கு அவரது மறைவுக்குப் பிறகே விருது அறிவிக்கப்பட்டது.

சீனியர் நடிகர்களான சிவாஜி, ரஜினி, கமல், விஜயகாந்த் ஆகியோருக்கு அடுத்து பத்ம பூஷன் விருதைப் பெறும் நடிகராக அஜித் இருக்கிறார். விருதுகளைப் பொறுத்தவரையில் தமிழக அரசின் கலைமாமணி விருது 2000ம் ஆண்டும், 2006ம் ஆண்டில் எம்ஜிஆர் விருதும் அஜித்துக்கு வழங்கப்பட்டது. மூன்று முறை சிறந்த நடிகருக்கான பிலிம்பேர் விருதை வென்றுள்ளார். மேலும் குறைந்த அளவிலான சில சினிமா விருதுகள் அஜித்துக்கு வழங்கப்பட்டுள்ளது.

• 
  அமெரிக்காவில் ஜாக்கி சானுடன் ஹிருத்திக் ரோஷன் சந்திப்பு
• 
  மீண்டும் ரா ஏஜென்ட் கபீர் ரோலில் ஹிருத்திக் ரோஷன்
• 
  ஹிந்தி நடிகர் சதீஷ் ஷா காலமானார்
• 
  பவர்புல்லான சவுண்ட் ஸ்டோரி : விவேக் ஓபராய்
• 
  பாலிவுட் என்று அழைக்காதீர்கள் : ஜெயா பச்சன் காட்டம்

• 
  டிவி நிகழ்ச்சியில் சவுந்தர்யாவை நினைத்து கண் கலங்கிய ரம்யா கிருஷ்ணன்
• 
  மீண்டும் பாலகிருஷ்ணா ஜோடியாக நயன்தாரா நடிப்பது ஏன்
• 
  ‛டூரிஸ்ட் பேமிலி' இயக்குனருக்கு பிஎம்டபுள்யூ கார் பரிசு
• 
  மாதவன், கங்கனா படத்தின் தலைப்பு என்ன தெரியுமா?
• 
  என் துயரத்தை சிலர் கொண்டாடினர் : சமந்தா