Dinamalar

குறு வீடியோவில் சாதனை படைத்த 'டாக்சிக்'

டீசர், டிரைலர் ஆகியவைதான் திரைப்படங்களுக்கான வீடியோ முன்னோட்டமாக இருந்தது. படத்தில் நடிக்கும் ஹீரோவின் பிறந்தநாள் அல்லது பட அறிவிப்புக்காக தற்போது 'க்ளிம்ப்ஸ்' என ஆங்கிலத்தில் அழைக்கப்படும் வீடியோக்களை வெளியிட ஆரம்பித்துவிட்டார்கள். அவற்றைத் தமிழில் குறு வீடியோ என அழைப்பது பொருத்தமாக இருக்கும்.

'கேஜிஎப் 2' படம் மூலம் சாதனை புரிந்த யஷ் நடிப்பில் அடுத்து உருவாகி வரும் 'டாக்சிக்' படத்தின் குறு வீடியோ ஒன்று நேற்று (ஜனவரி 8ம் தேதி) காலை வெளியானது. 24 மணி நேர முடிவில் அந்த வீடியோ 36 மில்லியன் பார்வைகளைப் பெற்று புதிய சாதனையைப் படைத்துள்ளது.

இதற்கு முன்பு 'புஷ்பா' படத்திற்காக 'வேர் இஸ் புஷ்பா' என்ற குறு வீடியோ 24 மணி நேரத்தில் 27 மில்லியன் பார்வைகளைப் பெற்ற சாதனையைத் தற்போது 'டாக்சிக்' முறியடித்துள்ளது. தமிழைப் பொறுத்தவரையில் சூர்யா நடித்து வெளிவந்த 'கங்குவா' படத்தின் குறு வீடியோ 20 மில்லியன் பார்வைகளைப் பெற்று முதலிடத்தில் உள்ளது.

'கேஜிஎப் 2' படம் வெளிவந்து சுமார் மூன்று ஆண்டுகளாகியும், அதற்குப் பின் யஷ் நடித்து எந்த ஒரு படமும் வெளிவராத நிலையிலும் அவருடைய பிரபலம் இன்னும் அப்படியேதான் உள்ளது.

• 
  சல்மான் கான் படத்திலிருந்து காதலர் தின ஸ்பெஷலாக வெளியிடப்பட்ட பாடல்
• 
  திகார் சிறையில் இருக்கும் நடிகருக்கு சம்பளம் உயர்த்தி தர கோரிக்கை வைத்த ...
• 
  அமீர்கான் மகனுக்கு ஜோடியான தமன்னா
• 
  ரூ. 40க்கு தனது சாப்பாடு தரும் அர்ஜித் சிங்
• 
  கடும் எதிர்ப்பால் மனோஜ் பாஜ்பாய் படத் தலைப்பு மாற்றம்

• 
  'கருப்பு' ரிலீஸ் - அப்டேட் கொடுத்த இயக்குனர் ஆர்ஜே பாலாஜி
• 
  'தாய் கிழவி' ரிலீஸ் ஒத்தி வைப்பு ஏன் ?
• 
  பிளாஷ்பேக்: முரணான தலைப்பு, முத்தான வெற்றி, முயற்சித்து சாதித்த இயக்குநர் ...
• 
  'சூர்யா- 46' படத்தின் டைட்டில், ரிலீஸ் குறித்த தகவல் வெளியானது!
• 
  பிளாஷ்பேக்: வாள்வீச்சு நாயகன் ரஞ்சனின் வெள்ளித்திரை வரவுக்கு வித்திட்ட ...