Dinamalar

கேம் சேஞ்சர் தனித்துவமான கதை! - இயக்குனர் ஷங்கர்

ஷங்கர் இயக்கத்தில் ராம்சரண், கியாரா அத்வானி, அஞ்சலி, எஸ்.ஜே. சூர்யா, சமுத்திரக்கனி, ஸ்ரீகாந்த், ஜெயராம், சுனில் உள்ளிட்ட பலர் நடிப்பில் உருவாகி உள்ள படம் 'கேம் சேஞ்சர்'. இந்த படம் வருகிற ஜனவரி 10ம் தேதி தமிழ், தெலுங்கு, ஹிந்தி என மூன்று மொழிகளில் வெளியாக உள்ளது. தமன் இசையமைத்துள்ள இந்தப் படத்தின் புரமோஷன் நிகழ்ச்சி ஹைதராபாத்தில் நடைபெற்றது.

அப்போது இயக்குனர் ஷங்கர் பேசும்போது, ''30 ஆண்டுகளாக திரை வாழ்க்கையில் தெலுங்கு ரசிகர்கள் எனக்கு அளித்து வரும் அன்பிற்கு மிக்க நன்றி. இந்த படத்தை என்னுடைய பாணியில் தனித்துவமான ஒரு கதையில் இயக்கி இருக்கிறேன். தெலுங்கு சினிமாவின் மூன்று ஹீரோக்களுடன் பணிபுரியலாம் என்று நான் நினைத்திருந்தேன். அதில், ராம்சரணுடன் முதன்முதலாக எனக்கு தெலுங்கில் அறிமுகமாகும் வாய்ப்பு கிடைத்தமைக்கு மிக்க மகிழ்ச்சி.

இந்த படத்தில் ராம்சரண் மூன்று விதமான கெட்டப்புகளில் நடித்திருக்கிறார். அதில் அப்பண்ணாவாக அவர் நடித்திருக்கும் கெட்டப் இந்த படத்துக்கு மிகப்பெரிய சிறப்பம்சமாக அமைந்திருக்கிறது. இந்த கேம் சேஞ்சர் படம் அனைத்து தரப்பு ரசிகர்களையும் மிகப்பெரிய அளவில் கவரும்'' என்று தெரிவித்துள்ளார் இயக்குனர் ஷங்கர்.

• 
  இரண்டு கைகளிலும் கடிகாரம் அணிவது ஏன் ? ; அபிஷேக் பச்சனின் அடடே விளக்கம்
• 
  ஏழு வருட இடைவெளிக்கு பிறகு வெளியாகும் அனுஷ்கா சர்மாவின் படம்
• 
  கத்ரினா கைப் - விக்கி கவுஷல் நட்சத்திர தம்பதிக்கு ஆண் குழந்தை பிறந்தது!
• 
  வெப் தொடரான கார்கில் போர்
• 
  மகேஷ்பாபுவின் கிண்டலுக்கு பிரியங்கா சோப்ரா பதில்

• 
  சிரஞ்சீவியிடம் பகிரங்கமாக மன்னிப்பு கேட்ட ராம்கோபால் வர்மா
• 
  பிளாஷ்பேக்: “பராசக்தி”க்கு முன் வெளிவர இருந்த சிவாஜியின் “பூங்கோதை”
• 
  அப்பா படத்தையடுத்து மகன் படத்தின் அப்டேட்
• 
  ‛ஜனநாயகன்' இசை வெளியீட்டு விழா உறுதி : எங்கே தெரியுமா?
• 
  மீண்டும் ‛டக்கர்' பட இயக்குனருடன் கைகோர்த்த சித்தார்த்!