Dinamalar

சினிமா விருது தேர்வு நடந்து வருகிறது : சென்னை சர்வதேச திரைப்பட தொடக்க விழாவில் அமைச்சர் தகவல்

தமிழக அரசின் நிதியுதவியுடன் இண்டோ சினி அப்ரிசேஷன் அமைப்பின் சார்பில் 22வது சென்னை சர்வதேச திரைப்பட விழா நேற்று தொடங்கியது. சென்னை, ராயப்பேட்டையில் உள்ள சத்யம் திரையரங்கில் செய்தித்துறை அமைச்சர் மு.பெ.சாமிநாதன் நேற்று தொடங்கி வைத்தார்.

இந்நிகழ்ச்சியில் இண்டோ சினி அப்ரிசேஷன் தலைவர் சிவன் கண்ணன், பொதுச் செயலாளரும், சென்னை சர்வதேச திரைப்பட விழா இயக்குநருமான ஏ.வி.எம்.சண்முகம், துணைத் தலைவர் ஆனந்த் ரங்கசாமி, திரைப்பட இயக்குனர்கள் கே பாக்யராஜ், பார்த்திபன், நடிகைகள் பூர்ணிமா பாக்யராஜ், குஷ்பு மற்றும் திரைப்படத் துறை கலைஞர்கள் கலந்து கொண்டனர்.

விழாவில் அமைச்சர் சாமிநாதன் பேசியதாவது: இந்தியாவின் முன்னணி திரைப்பட விழாவாக சென்னை சர்வதேச திரைப்பட விழா மாறியிருப்பது மகிழ்ச்சியளிக்கிறது. தமிழக அரசால் திரைப்படத்துறையினருக்கு ஏராளமான நலத்திட்டங்கள் செயல்படுத்தப்பட்டுள்ளன. திரைப்படத்துறையினரின் நலவாரியத்தில் 27 ஆயிரம் பேர் பதிவு செய்துள்ளனர். இவ்வாரியம் சார்பில் வழங்கப்படும் நலத்திட்ட உதவிகளை சரியாகப் பயன்படுத்திக் கொள்ள வேண்டும். நிலுவையில் உள்ள திரைப்பட விருதுகள், சின்னத்திரை விருதுகள் வழங்க தேர்வுக்குழு அமைக்கப்பட்டு விருதாளர்கள் தேர்வு செய்யப்பட்டு வருகின்றனர்.

திருவள்ளூர் மாவட்டம் பூந்தமல்லியில் 500 கோடி மதிப்பீட்டில் 150 ஏக்கர் பரப்பளவில் நவீன திரைப்பட நகரம் அமைக்கப்படும் என முதல்வர் அறிவித்தார். இதற்கான திட்ட மதிப்பீடு தயாரிக்கும் பணி நடைபெற்று வருகிறது. விரைவில் விரிவான திட்ட அறிக்கை தயார் செய்யப்பட்டு, ஒப்பந்தப்புள்ளி கோரி பணிகள் முடிவடையும். எம்ஜிஆர் திரைப்படக் கல்லூரியில் 40 கோடி செலவில் அதிநவீன வசதியுடன் கூடிய படப்பிடிப்பு தளங்கள் தொடங்கவுள்ளோம்.

இவ்வாறு அமைச்சர் பேசினார்.

• 
  முதல் குழந்தை வீட்டிற்கு வருவதற்கு முன் ஆறு குழந்தைகளை பறிகொடுத்தேன் : ...
• 
  மும்பையில் உள்ள அபார்ட்மென்ட்டை குறைந்த லாபத்திற்கு விற்ற சோனு சூட்
• 
  குடும்பத்துடன் விநாயகர் சதுர்த்தி கொண்டாடிய சல்மான்கான்
• 
  காரில் கோளாறு: ஷாரூக்கான், தீபிகா படுகோனே மீது வழக்கு
• 
  எனது சொகுசு பங்களா வீடியோவை உடனே நீக்குங்கள்! - ஆலியா பட் வைத்த ஆவேச ...

• 
  100 மில்லியன் கடந்த 'முத்த மழை' மேடைப் பாடல்
• 
  'மிராய்' டிரைலரைப் பார்த்து வாழ்த்திய ரஜினிகாந்த்
• 
  அல்லு அர்ஜுன், பவன் கல்யாண் 'மனஸ்தாபம்' முடிவுக்கு வந்ததா ?
• 
  'கைதி 2' படத்திற்கு இசை அனிருத்?
• 
  சமூக வலைத்தள கொள்ளையர்கள் : IFTPC காட்டம்