Dinamalar

கேம் சேஞ்சரில் 2 வேடத்தில் ராம்சரண்: தோற்றம் வெளியானது

ராம் சரண் - ஷங்கர் கூட்டணியில் உருவாகி உள்ள பிரமாண்ட படமான 'கேம் சேஞ்சர்' அடுத்த ஆண்டு ஜனவரி 10ம் தேதி வெளியாகிறது. இந்த நிலையில் படத்தின் டீசர் லக்னோவில் வெளியிடப்பட்டது. ஒரு நிமிடம் 30 வினாடிகள் கொண்ட டீசரில் படத்தின் அரசியல் பின்னணி, கதைக்களத்தின் மையத்தை அறிமுகப்படுத்துவதுடன், படம் பற்றிய ஆவலை அதிகரிக்கிறது. பிரமாண்ட படங்களுக்குப் பெயர் பெற்ற இயக்குநர் ஷங்கரின் முத்திரை, ஒவ்வொரு பிரேமிலும் தெரிகிறது.

ராம் சரண் ஒரு ஐஏஎஸ் அதிகாரி மற்றும் மக்களுக்காக போராடும் இளம் அரசியல் தலைவர் என்ற இரண்டு கேரக்டர்களில் நடித்திருப்பதை அவர்களின் தோற்றத்தை வெளியிட்டு டிரைலர் உறுதி செய்கிறது. எஸ்.திருநாவுக்கரசுவின் ஒளிப்பதிவு, எஸ்.தமனின் இசை கவனிக்க வைக்கிறது. "ஐ ம் அன் பிரடிக்டபிள்" (நான் யூகிக்க முடியாதவன்) என டீசரில் ராம் சரண் சொல்லும் பஞ்ச் டயலாக் மேலும் ஆவலைத் தூண்டுகிறது.

கியாரா அத்வானி, எஸ்.ஜே. சூர்யா, சமுத்திரகனி, அஞ்சலி, நவீன் சந்திரா, சுனில் மற்றும் ஸ்ரீகாந்த் உள்ளிட்ட பல முன்னணி நடிகர்கள் இதில் நடித்துள்ளனர். இளம் அரசியல் தலைவர் அரசியல் களைகளை எடுக்கிறார். ஐஏஎஸ் அதிகாரி, அரசு அதிகாரிகளை களை எடுக்கிறார். இருவருக்கும் என்ன தொடர்பு என்பது மாதிரியான கதை என்பதை டீசர் மூலம் கணிக்க முடிகிறது. லக்னோவில் நடந்த டீசர் வெளியீட்டு விழாவில் ஷங்கர் கலந்து கொள்ளாதது பேசு பொருளாகி இருக்கிறது.

• 
  நடிகர் பிரித்விராஜின் தார்யா ஹிந்தி படப்பிடிப்பு நிறைவு
• 
  புகையிலை விளம்பரத்திற்கு ரூ.40 கோடி: தைரியமாக மறுத்த சுனில் ஷெட்டி
• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்

• 
  சிவகார்த்திகேயனுக்கு கண்டனம் தெரிவித்த சிவாஜி சமூக நலப்பேரவை
• 
  பொங்கல் போட்டியில் முக்கிய கதாநாயகிகள்
• 
  முன்பதிவில் ஜனநாயகன் செய்த சாதனை
• 
  300வது படத்தை எட்டிய யோகி பாபு
• 
  மீண்டும் ரசிகர்களை ஏமாற்றிய கருப்பு