Dinamalar

200 மில்லியன் பார்வைகளைக் கடந்த 'தாய் கிழவி'

மித்ரன் ஜவகர் இயக்கத்தில், அனிருத் இசையமைப்பில், தனுஷ், நித்யா மேனன், பிரியா பவானி சங்கர், ராஷி கண்ணா, பிரகாஷ்ராஜ் மற்றும் பலர் நடிப்பில் வெளிவந்த படம் 'திருச்சிற்றம்பலம்'. அப்படத்தின் பாடல்களில் அதிரடிப் பாடலாக இடம் பெற்ற பாடல் 'தாய் கிழவி'. அப்பாடல் யு டியூப் தளத்தில் தற்போது 200 மில்லியன் பார்வைகளைக் கடந்துள்ளது. தனுஷ் எழுதி பாடிய பாடல் அது.

அனிருத்தின் இசையில் வெளிவந்த பாடல்களில் பல பாடல்கள் 100 மில்லியன் பார்வைகளைக் கடந்துள்ளன. அவற்றில் அதிகப் பார்வைகளைப் பெற்ற பாடலாக அவரது இசையில் முதலில் வெளிவந்த படமான '3' படத்தில் இடம் பெற்ற 'ஒய் திஸ் கொலவெறி' பாடல் இதுவரையில் 479 மில்லியன் பார்வைகளைக் கடந்துள்ளது.

'பீஸ்ட்' படத்தின் 'அரபிக்குத்து' பாடல் 648 மில்லியன் பாடல்களுடன் முதலிடத்தில் உள்ளது. அதன் லிரிக் வீடியோ பாடல் 526 மில்லியன் பார்வைகளைப் பெற்றுள்ளது. 'மாஸ்டர்' படத்தின் 'வாத்தி' பாடலும் 516 மில்லியன் பார்வைகளைக் கடந்துள்ளது. 'மாரி' படத்தின் 'டானு டானு' பாடல் 256 மில்லியன் பார்வைகளையும், 'ஜெயிலர்' படத்தின் 'காவாலாய்ய' பாடல் 246 மில்லியன் பார்வைகளையும் பெற்றுள்ளது.

தற்போது 'தாய் கிழவி' பாடலும் 200 மில்லியன் கிளப்பில் சேர்ந்துள்ளது. அனிருத்தின் 7வது 200 மில்லியன் பாடல் இது. அதிகமான 200 மில்லியன் பாடல்களைக் கொடுத்துள்ளதும் அனிருத் தான்.

• 
  ஆனந்த்.எல்.ராய் இயக்கத்தில் இணையும் முன்னனி நடிகைகள்
• 
  60 கோடி செலுத்த ஷில்பா ஷெட்டி, ராஜ் குந்த்ராவுக்கு நீதிமன்றம் உத்தரவு
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...

• 
  ஒரே மாதத்தில் திரைக்கு வரும் கிர்த்தி ஷெட்டியின் மூன்று படங்கள்
• 
  100 பேர் வந்தாலும்....! பிரதீப் ரங்கநாதனின் 'டியூட்' படத்தின் டிரைலர் ...
• 
  இம்மாதத்தில் ஓடிடியில் வெளியாகும் 'லோகா, இட்லிகடை'
• 
  500 கோடி வசூலை நோக்கி 'காந்தாரா சாப்டர் 1'
• 
  அரசன் படத்தின் புதிய அப்டேட் : சுதீப் இணைய வாய்ப்பு