ஹீரோயின் ஆனார் சரண்யா ரவிச்சந்திரன்

25 அக், 2024 - 02:48 IST

2 கருத்துகள் கருத்தைப் பதிவு செய்ய

எழுத்தின் அளவு:

சின்னத்திரையில் இருந்து சினிமாவுக்கு வந்தவர் சரண்யா ரவிச்சந்திரன். ஜெயில், பைரி, வெள்ளை யானை உள்ளிட்ட பல படங்களில் இரண்டாம் நாயகி மற்றும் குணச்சித்திர வேடங்களில் நடித்துள்ளார். தற்போது இவர் ஹீரோயின் ஆகியிருக்கும் படம் 'க.மு -க.பி' அதாவது கல்யாணத்திற்கு முன் கல்யாணத்திற்கு பின். இந்தப் படத்தை பிளையிங் எலிபென்ட்ஸ் எண்டர்டைன்மென்ட் சார்பில் புஷ்பநாதன் ஆறுமுகம் தயாரித்து, இயக்குகிறார்.

டாணாக்காரன், மாஸ்டர் உள்ளிட்ட பல படங்களில் நடித்துள்ள விக்னேஷ் ரவி கதாநாயகனாக நடிக்கிறார். லப்பர் பந்து படத்தில் முக்கிய கதாபாத்திரத்தில் நடித்து கவனம் ஈர்த்த டிஎஸ்கே இந்த படத்திலும் முதன்மை கதாபாத்திரத்தில் நடிக்கிறார். மேலும் சின்னத்திரை புகழ் பிரியதர்ஷினி, கபாலி பெருமாள், அருவி பாலா ஆகியோர் முக்கிய கதாபாத்திரங்களில் நடித்துள்ளனர். ஜி.எம்.சுந்தர் ஒளிப்பதிவு செய்கிறார். தர்ஷன் ரவிக்குமார் இசையமைத்துள்ளார்.

படம் குறித்து இயக்குநர் புஷ்பநாதன் ஆறுமுகம் கூறும்போது, “எப்போதும் காதலிக்கும் போது ஒருவருக்கொருவர் அவர்களது குறை நிறைகள் தெரியாது. பிளஸ் மட்டுமே தெரியும். ஈர்ப்புணர்வும் அதிகமாக இருக்கும். ஆனால் திருமணத்திற்கு பிறகு சேர்ந்து இருக்கும் நேரம் அதிகம் என்பதால் அவர்களின் நிஜமான குணங்கள் தெரிய ஆரம்பிக்கும். பொருளாதார சமூக காரணங்கள் சேர்ந்து ஏதோ ஒரு விதத்தில் இருவருக்குமான ஈர்ப்பு குறைய காரணமாக அமைந்து விடும். இதை நான் லீனியர் பாணியில் சொல்லியிருக்கிறோம். இளைஞர்களுக்கு வாழ்க்கையைப் பற்றிய ஒரு புரிதல் கொடுக்கக்கூடிய கொண்டாட்டமான படமாக இது இருக்கும்'' என்றார்.

SaranyaRavichandran

கருத்துகள் (2) கருத்தைப் பதிவு செய்ய

சத்தம் இல்லாமல் வந்து சாதித்த சின்ன ...

நடிப்பு என்பது விளையாட்டு கிடையாது - ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய