பிளாஷ்பேக்: தமிழில் டப்பிங் செய்யப்பட்ட முதல் படம்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

04 அக், 2024 - 10:50 IST

எழுத்தின் அளவு:

இன்றைக்கு எல்லா மொழி படங்களுமே பான் இந்தியா படங்கள் என்ற பெயரில் டப் செய்யப்பட்டு வெளியிடப்படுகிறது. முதன் முதலாக தமிழில் டப் செய்யப்பட்ட படம் 'தேவதாஸ்'.

பிரபல வங்கமொழி எழுத்தாளர் சரத் சந்திர சட்டோபாத்யாய எழுதிய நாவல்தான் 'தேவதாஸ்'. ஒரு பணக்கார பெண்ணுக்கும், ஏழை இளைஞனுக்கும் இடையிலான காதல் முலம் ஏழை, பணக்காரன் என்ற வர்க்க முரண்பாட்டை சொன்ன படம். இந்தியாவின் அத்தனை மொழிகளிலும் இது மொழிமாற்றம் செய்யப்பட்டது. இந்த நாவலைத்தான் பிரம்மதேஸ் பருவா என்ற இயக்குனர் 1935ம் ஆண்டு திரைப்படமாக இயக்கி வெளியிட்டார். அவரே தேவதாசாக நடித்தார். அவர் மனைவி ஜமுனா பார்வதியாக நடித்தார். 4 பேர் ஒளிப்பதிவு செய்தனர். 3 பேர் இசை அமைத்தனர்.

வங்க மொழியில் தயாராகி பெரும் வெற்றி பெற்ற இந்தப் படம், அதே ஆண்டில் தமிழில் டப் செய்யப்பட்டு வெளியிடப்பட்டது. படத்தில் இரண்டு பாடல்கள் மட்டுமே இருந்தது. அந்த பாடல்களை கே.எல்.சைகல் என்பவர் தமிழில் பாடி கொடுத்தார். தொடர்ந்து 1936ம் ஆண்டு ஹிந்தியிலும், 1937ம் ஆண்டு அசாமி மொழியிலும் டப் செய்யப்பட்டது.

இந்த படம் புனேவில் உள்ள இந்திய திரைப்பட ஆவணக் காப்பத்தில் வைக்கப்ட்டிருந்தபோது அங்கு ஏற்பட்ட தீ விபத்தால் 60 சதவீத படச்சுருள் எரிந்து நாசமானது. தற்போது 40 சதவீத காட்சிகள் மட்டுமே வங்கதேச திரைப்பட ஆவணக் காப்பகத்தில் பாதுகாக்கப்பட்டு வருகிறது. திரைப்பட வரலாற்று ஆய்வாளர்களின் கருத்துப்படி இதுவே தமிழில் டப் செய்யப்பட்ட முதல் படம்.

Flashback

Devadas

Tamil Dub

First Movie

கருத்துகள் (1) கருத்தைப் பதிவு செய்ய

சிகிச்சை முடிந்து வீடு திரும்பினார் ...

ஸ்டன்ட் மாஸ்டர் கனல் கன்னன் மீதான ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து (1)

Columbus - ( Posted via: Dinamalar Android App )

04 அக், 2024 - 11:10 Report Abuse

Late Kundan Lal Saigal was a famous singer in Bollywood in those days. Even today, Radio Ceylon broadcasts Purani Filmon ki Geet daily at 07.30 am and the last number is invariably by K L Saigal.

Rate this: