Dinamalar

அட்லி இயக்கத்தில், கமல்ஹாசன் சல்மான் கான்…ஏறக்குறைய உறுதி

ஷாரூக்கான் நடித்த 'ஜவான்' படத்தை இயக்கி 1000 கோடி வசூலைப் பெற வைத்தவர் தமிழ்சினிமாவைச் சேர்ந்த அட்லி. அந்தப் படத்திற்குப் பிறகு அல்லு அர்ஜூன் நடிக்க உள்ள படத்தை இயக்கப் போவதாகத் தகவல் வெளியானது. ஆனால், கதையில் சில மாற்றங்களை அல்லு அர்ஜூன் சொன்னதால் அந்தக் கூட்டணி ஆரம்பத்திலேயே பிரிந்துவிட்டது என்றார்கள். இதையடுத்து சல்மான் கானை சந்தித்து அட்லி கதை சொல்லி, அது சல்மான் கானுக்குப் பிடித்துவிட அட்லி - சல்மான் கூட்டணி வரப் போகிறது என்று தகவல் வந்தது.

அதன் பின் அந்தப் படத்தில் முக்கிய கதாபாத்திரம் ஒன்றில் நடிக்க கமல்ஹாசனிடம் பேச்சு வார்த்தை நடத்தி வருகிறார்கள் என்று பாலிவுட் வட்டாரத்தில் பேசிக் கொண்டார்கள். கதையைக் கேட்ட கமல்ஹாசன் நடிக்க சம்மதம் சொல்லிவிட்டார் என்பது லேட்டஸ்ட் தகவலாக வெளியாகி உள்ளது.

அக்டோபர் முதல் படத்திற்கான ஆரம்ப கட்ட வேலைகள் நடந்து, ஜனவரி 2025 முதல் படப்பிடிப்பை நடத்தத் திட்டமிட்டுள்ளார்களாம். தற்போது ஹிந்தியில் ஏஆர் முருகதாஸ் இயக்கத்தில் 'சிக்கந்தர்' படத்தில் நடித்து வருகிறார் சல்மான் கான். மணிரத்னம் இயக்கத்தில் 'தக் லைப்' படத்தில் நடித்து வருகிறார் கமல்ஹாசன். அதற்குப் பிறகு 'இந்தியன் 3' படத்திற்காக சில வாரங்கள் நடிக்க உள்ளதாகத் தகவல். அதை முடித்ததும் ஸ்டன்ட் இயக்குனர்கள் அன்பறிவ் இயக்க உள்ள படத்தில் நடித்துக் கொண்டே, அட்லி படத்திலும் நடிக்கலாம். 2025ம் ஆண்டின் பிரம்மாண்டமான ஆக்ஷன் படமாக அட்லி, கமல்ஹாசன், சல்மான் கான் படம் அமைய உள்ளதாம்.

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  இளம் நடிகருடன் காதலா? - கோட் நடிகை விளக்கம்
• 
  ஏஆர் ரஹ்மான் பிரிவுக்கும், மோகினி டே பிரிவுக்கும் சம்பந்தம் இல்லை: சாய்ரா ...
• 
  என் மகளை மீட்டு தந்தது செட்டிக்குளங்கரா தேவி தான் : நயன்தாரா அம்மா ...
• 
  கிஸ் படத்திலிருந்து அனிரூத் விலகலா?
• 
  சம்பந்தி இது சரியில்லை : ‛ராஜாகிளி' பட விழாவில் அர்ஜூன் கலாட்டா