Dinamalar

பிரபாஸை விமர்சித்த நடிகருக்கு அறிவுரை கூறுமாறு பாலிவுட் நடிகர் சங்கத்திற்கு விஷ்ணு மஞ்சு கடிதம்

கடந்த இரண்டு மாதங்களுக்கு முன்பு பிரபாஸ் நடிப்பில் நாக் அஸ்வின் இயக்கத்தில் கல்கி 2898 ஏடி என்கிற திரைப்படம் வெளியானது. இந்த படம் குறித்தும் படத்தில் பிரபாஸின் கதாபாத்திரம் குறித்தும் கலவையான விமர்சனங்கள் எழுந்தன. இருந்தாலும் படம் மிகப்பெரிய அளவில் வசூலித்தது. இந்த நிலையில் பிரபல ஹிந்தி நடிகரும், முன்னா பாய் எம்பிபிஎஸ் படத்தில் சஞ்சய் தத்தின் வலது கரமாக நடித்திருந்தவருமான அர்ஷத் வர்சி என்பவர் கல்கி படத்தில் பிரபாஸின் கதாபாத்திரம் பார்ப்பதற்கு ஜோக்கர் போல இருந்தது என்று கிண்டலாக விமர்சித்து இருந்தார்.

இதற்கு ரசிகர்களும் திரை உலகை சேர்ந்தவர்களும் தனித்தனியாக இதற்கு கண்டனம் தெரிவித்து வந்த நிலையில் தற்போது தெலுங்கு திரையுலக நடிகர் சங்கத்தின் தலைவரும், நடிகருமான விஷ்ணு மஞ்சு இதுகுறித்து ஹிந்தி திரைப்படம் மற்றும் சின்னத்திரை நடிகர் சங்கத்திற்கு ஒரு கடிதம் எழுதியுள்ளார்.

அதில், “நடிகர் அர்ஷத் வர்சி இப்படி பிரபலமான ஒருவரை குறித்து மிகவும் தரக்குறைவான வார்த்தைகளில் விமர்சித்து இருப்பது அதிர்ச்சி அளிக்கிறது. சோசியல் மீடியாவில் சில வார்த்தைகள் உறவுக்கு பாலம் கட்டும். சில வார்த்தைகள் பகையை உருவாக்கி விடும். நாம் எல்லோரும் ஒரு குடும்பம் அதனால் பேசும்போது வார்த்தைகளை சரியாக பயன்படுத்தும்படி அர்ஷத் வர்சிக்கு அறிவுரை கூறுங்கள்” என்று அதில் குறிப்பிட்டுள்ளார்.

• 
  'லவ் அண்ட் வார்' ரிலீஸ் தேதி அறிவிப்பு: 2 வருடங்களுக்கு பிறகு ...
• 
  திருமண மோதிரம் 'மிஸ்ஸிங்' : மீண்டும் பிரிவு சர்ச்சையில் ஐஸ்வர்யா ராய்
• 
  என் தந்தையே எனது மிகப்பெரிய விமர்சகர் : பாடகி டூ நடிகை த்வானி பனுஷாலி ...
• 
  நவம்பர் 29ல் ஜப்பானில் வெளியாகும் ஷாருக்கானின் ஜவான்
• 
  3 காட்சிகள் நீக்கத்துடன் எமர்ஜென்சிக்கு 'யுஏ' சான்றிதழ்

• 
  பிளாஷ்பேக் : சோக ராகங்கள் கூட சுக ராகங்களாக மாறும் எம்ஜிஆரின் பாடல்கள்
• 
  செப். 20ல் வேட்டையன் பட இசை வெளியீட்டு விழா
• 
  கார்த்தி 29வது படத்தை இயக்கும் டாணாக்காரன் பட இயக்குனர்
• 
  மீண்டும் இணைந்த செல்வராகவன் - ஜி.வி. பிரகாஷ் கூட்டணி!
• 
  மூக்குத்தி அம்மன் 2வை இயக்கும் சுந்தர் சி