Dinamalar

பிக் பாஸ் 8 - தொகுத்து வழங்குவாரா கமல்ஹாசன்?

ரியாலிட்டி டிவி ஷோக்களில் தமிழ் சினிமாவின் உச்ச நடிகர் ஒருவர் தொகுத்து வழங்கப் போகிறார் என்ற அறிவிப்பு 2017ல் வந்த போது பலரும் ஆச்சரியப்பட்டார்கள். அப்படி ஒரு ஷோவாக 'பிக் பாஸ்' நிகழ்ச்சி இருந்தது. தொகுப்பாளராக கமல்ஹாசன் வந்ததும் பலருக்கும் அதிர்ச்சியை ஏற்படுத்தியது. ஒரு திரைப்படத்திற்கு வாங்கும் சம்பளத்திற்குக் குறைவில்லாமல் கமல் வாங்கினார் என்ற தகவலும் உண்டு. கடந்த 7 சீசன்களாக அந்த நிகழ்ச்சியை கமல் தொகுத்து வழங்கினார்.

அடுத்து 8வது சீசன் இன்னும் சில வாரங்களில் ஆரம்பமாக வேண்டும். அதற்கான முன்னேற்பாடுகள் தற்போது ஆரம்பமாகி உள்ளதாகத் தெரிகிறது. இந்த வருடமும் கமல்ஹாசன்தான் தொகுத்து வழங்குவார் என்று எதிர்பார்க்கப்பட்டது. ஆனால், அதில் மாற்றம் வரலாம் என்றும் சொல்கிறார்கள்.

தற்போது 'தக் லைப்' படத்தில் பிஸியாக நடித்துக் கொண்டிருக்கிறார் கமல். அடுத்து 'இந்தியன் 3' படத்திற்கான சில நாள் வேலைகளும் இருக்கும் என்கிறார்கள். அடுத்து 'கல்கி 2898 ஏடி' படத்தின் இரண்டாம் பாகத்தில் கமல்ஹாசன் படம் முழுவதும் வரப் போகிறாராம். அதற்கான படப்பிடிப்புகளிலும் அவர் கலந்து கொள்ள வேண்டும். எனவே, தன்னால் 8வது சீசனை தொகுத்து வழங்க முடியாது என டிவி நிர்வாகத்திடமும், ஷோ தயாரிப்பாளர்களிடமும் சொல்லிவிட்டார் என தகவல் கசிந்துள்ளது. இருப்பினும் கமல்ஹாசனை எப்படியாவது சம்மதிக்க வைக்க வேண்டும் என கடுமையாக முயற்சித்து வருகிறார்களாம். பிக் பாஸ் வீட்டிற்குள் கமல் நுழைவாரா, நுழையாமல் போவாரா என்பது விரைவில் தெரிய வரும்.

• 
  முதன்முதலாக குழந்தையை அறிமுகப்படுத்திய தீபிகா, ரன்வீர் சிங்
• 
  அட்லி - அல்லு அர்ஜூன் படம் ஒரு சினிமா புரட்சி! ரன்வீர் சிங் வெளியிட்ட தகவல்
• 
  அமிதாப் பச்சனின் தீபாவளி கொண்டாட்டத்தில் மகளுடன் ஆப்சென்ட் ஆன ஐஸ்வர்யா ...
• 
  ‛பேட்டில் ஆப் கல்வான்' படப்பிடிப்பில் சல்மான்கானுக்கு மொபைல் போன் ...
• 
  காதலருடன் ஹூமா குரேஷிக்கு நிச்சயதார்த்தம் நடந்ததா?

• 
  ரஜினி - கமல் இணையும் படம் குறித்து அப்டேட் கொடுத்த சவுந்தர்யா ரஜினி - ...
• 
  சமந்தாவின் 'மா இண்டி பங்காரம்' படப்பிடிப்பு தொடங்கியது!
• 
  கரூர் சம்பவம் தொடர்பாக விஜய்யை விமர்சித்தாரா சூரி? -அவரே கொடுத்த விளக்கம்
• 
  பிரபாஸ் படத்தில் நடிக்கும் பழம்பெரும் நடிகை காஞ்சனா
• 
  'காந்தாரா சாப்டர் 1' படத்திற்கு அல்லு அர்ஜுன் பாராட்டு