Dinamalar

பிளாஷ்பேக் : எம்.ஜி.ஆர் நடித்த ஒரே மலையாளப் படம் எது தெரியுமா?

மக்கள் திலகம் எம்.ஜி.ஆர் நடித்த படங்கள் அனைத்துமே தமிழ் படங்கள்தான் என்ற கருதிக் கொண்டிருக்கிறோம். அடிப்படையில் மலையாளியான எம்.ஜி.ஆர் நடித்த ஒரே மலையாளப் படம் 'ஜெனோவா'. 1953ம் ஆண்டு வெளியான இந்த படத்தை மலையாளம், தமிழ் என இரு மொழிகளில் தயாரித்தனர். நாயகன் எம்ஜிஆர், நாயகி பி.எஸ்.சரோஜா. இருவரும் இரு மொழிகளிலும் நடித்தனர். வில்லனாக தமிழில் பி.எஸ்.வீரப்பா நடிக்க, மலையாளத்தில் அந்த வேடத்தில் ஆலப்பி வின்சென்ட் நடித்தார்.

இதனை மலையாள தயாரிப்பாளர் இ.பி.எப்பன் என்பவர் தயாரித்திருந்தார். மலையாள இயக்குனர் நாகூர் இயக்கி இருந்தார். எம்.எஸ்.விஸ்வநாதன், ஞானமணி, டி.ஏ.கல்யாணம் என 3 இசை அமைப்பாளர்கள் இசை அமைத்திருந்தனர். இது சரித்திர கதையாக இருந்தாலும் மாறுபட்ட முறையில் இதன் கதை எழுதப்பட்டிருந்தது.

படத்தில் எம்ஜிஆரின் பெயர் சிப்ரஸோ, வில்லன் வீரப்பாவின் பெயர் கோலோ, எம்ஜிஆரின் அண்ணன் சக்ரபாணியின் பெயர் அன்னாஸ். மலையாள வசனத்தை சுவாமி மிரம்மவ்ருதனும், தமிழ் வசனத்தை சுரதாவும் எழுதியிருந்தனர். இந்த படம் முதலில் மலையாளத்தில் வெளிவந்து இரண்டு மாதங்களுக்கு பிறகு தமிழில் வெளிவந்தது.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  ஜூன் 13ல், 500 தியேட்டர்களில் படை தலைவன் ரிலீஸ்
• 
  டூரிஸ்ட் பேமிலி : கன்னட நடிகர் சுதீப் பாராட்டு
• 
  ஜனநாயகன் படத்தின் தமிழக தியேட்டர் உரிமையில் கடும் போட்டி
• 
  அர்ஜுன் தாஸின் நீண்ட நாள் கனவு நனவாகியது
• 
  ஹாலிவுட் யுனிவர்ஸ் பாணியில் உருவாகும் பென்ஸ் : இயக்குனர் பாக்யராஜ் ...