Dinamalar

நெடுமுடி வேணுவை மிஸ் பண்ணுகிறேன் : கேரளாவில் கமல் நெகிழ்ச்சி

ஷங்கர் இயக்கத்தில் கமல் நடிப்பில் ஆவலுடன் எதிர்பார்க்கப்பட்டு வந்த இந்தியன் 2 திரைப்படம் நாளை (ஜூலை 12) வெளியாக இருக்கிறது. கடந்த சில நாட்களாகவே இந்த படத்தின் புரமோஷன் நிகழ்ச்சிகளில் கலந்து கொண்டு வரும் இயக்குனர் ஷங்கர், நடிகர்கள் கமல், சித்தார்த் ஆகியோர் ஒவ்வொரு மாநிலமாக சுற்றுப்பயணம் மேற்கொண்டனர். கேரளா சென்று இந்த படத்தின் புரோமோஷன் நிகழ்ச்சியில் கலந்து கொண்டனர். இந்தியன் படத்தின் முதல் பாகத்தில் நடித்து கவனம் ஈர்த்தவர்களில் மறைந்த மலையாள குணச்சித்திர நடிகர் நெடுமுடி வேணுவும் ஒருவர். இந்த இரண்டாம் பாகத்திலும் அவர் நடித்துள்ளார்.

கொச்சியில் நடைபெற்ற இந்த புரமோஷன் நிகழ்வில் நெடுமுடி வேணு பற்றி கமல் பேசும்போது, “மலையாள திரையுலகில் மிகச்சிறந்த நடிகர்களில் ஒருவராக நெடுமுடி வேணு இருந்தார். இன்று நான் அவரை ரொம்பவே மிஸ் பண்ணுகிறேன்.. அவர் ரொம்பவே ஈசியாக கதாநாயகனாக நடித்துவிட்டு சென்றிருக்கலாம். ஆனாலும் ஒரு சிறந்த குணசித்திர நடிகராக அவர் இருந்தார். இந்தியன் 2 படப்பிடிப்பின் போது கூட அவருக்கு உடல் நலக்குறைவு பாதிப்பு இருந்தது. அந்த சமயத்தில் என்னிடம் பல விஷயங்களை பகிர்ந்து கொண்டார். குறிப்பாக இந்த படம் வெளியான பிறகு இதை நாம் எப்படி கொண்டாட வேண்டும் என்று நாங்கள் இருவரும் பேசினோம். இன்று இந்த இடத்தில் நான் நிற்கும்போது அவரும் இங்கே என் அருகில் இருப்பதாகவே உணர்கிறேன்” என்று நெகிழ்ச்சியுடன் பேசினார் கமல்.

• 
  செப்டம்பர் 12ல் நெட்பிளிக்சில் வெளியாகும் சாயாரா!
• 
  ‛லோகா சாப்டர் 1 ; சந்திரா' படத்துக்கு பிரியங்கா சோப்ரா பாராட்டு
• 
  நடிகைகளை வைத்து பாலியல் தொழில் : பாலிவுட் நடிகை கைது
• 
  ரூ.60 கோடி மோசடி வழக்கு : நடிகை ஷில்பா ஷெட்டிக்கு எதிராக லுக் அவுட் நோட்டீஸ்
• 
  அக்டோபர் முதல் வாரத்தில் நெட்பிளிக்ஸில் வெளியாகும் ‛வார்-2'

• 
  பெற்றோருக்கு தெரியாமல் ஹாரர் படங்கள் பார்ப்பேன்: அனுபமா
• 
  துபாயில் நடைபெற்ற சைமா விருது விழாவில் விஜய்யை வாழ்த்திய திரிஷா!
• 
  சிவகார்த்திகேயனின் ‛மதராஸி' படத்தின் இரண்டு நாள் வசூல் வெளியானது!
• 
  கென் கருணாஸ் படத்தில் மூன்று நாயகிகள்!
• 
  ‛இட்லி கடை' படத்தில் அஸ்வின் ஆக அருண் விஜய்!