குணா மறுவெளியீட்டுக்கு கோர்ட் தடை

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

'குணா' மறுவெளியீட்டுக்கு கோர்ட் தடை

11 ஜூலை, 2024 - 01:34 IST

எழுத்தின் அளவு:

சந்தான பாரதி இயக்கத்தில் 1991ம் ஆண்டு தீபாவளி அன்று வெளிவந்த படம் 'குணா'. சுவாதி சித்ரா இண்டர்நேஷனல் தயாரிப்பில் உருவான இப்படத்தை ராஜ்கமல் பிலிம்ஸ் இண்டர்நேஷனல் உலகம் முழுவதும் வெளியிட்டது. கமல்ஹாசன், ரோஷினி, ரேகா, ஜனகராஜ், அஜய் ரத்தினம், எஸ்.வரலட்சுமி, கிரீஷ் கர்னாட், எஸ்.பி.பாலசுப்பிரமணியம், சரத் சக்சேனா, காகா ராதாகிருஷ்ணன், பிரதீப் சக்தி, அனந்து ஆகியோர் நடித்துள்ளனர். இளையராஜா இசை அமைத்திருந்தார்.

33 வருடங்கள் கடந்த நிலையில் மலையாள படமான 'மஞ்சுமல் பாய்ஸ்' குணாவை மீண்டும் நினைவூட்டியது. கமல்ஹாசன் ரசிகர்கள் மட்டுமின்றி தலைமுறை கடந்து இன்றைய இளம் தலைமுறை குணா படத்தையும், அதில் இடம்பெற்றுள்ள வசனங்களையும், பாடல்களையும் நினைவூட்டி கொண்டாடி வருகின்றனர்.

இந்த படம் டிஜிட்டல் வடிவத்தில், மெருகூட்டப்பட்டு கடந்த ஜூன் 21ம் தேதி உலகம் முழுவதும் மறுவெளியீடு செய்யப்படுவதாக அறிவிக்கப்பட்டிருந்தது. ஆனால் தொழில்நுட்ப பணிகள் முடிவடையாததால் வெளியாகவில்லை.

இந்த நிலையில் இந்த படத்தின் பதிப்புரிமையை வாங்கியுள்ளதாக கூறி கன்ஷியாம் ஹேம்தேவ் என்பவர், 'குணா' படத்தை மறு வெளியீடு செய்ய பிரமிட் மற்றும் எவர் க்ரீன் மீடியா நிறுவனத்துக்கும் நிரந்தர தடை விதிக்கக் கோரி சென்னை உயர் நீதிமன்றத்தில் வழக்கு தொடர்ந்துள்ளார். இந்த வழக்கை விசாரித்த நீதிமன்றம், 'குணா' படத்தை மறுவெளியீடு செய்ய இடைக்கால தடை விதித்தது. மேலும், இந்த மனுவுக்கு ஜூலை 22ம் தேதிக்குள் பதிலளிக்குமாறு பிரமிட் மற்றும் எவர் க்ரீன் மீடியா நிறுவனத்துக்கு உத்தரவிட்டது.

Gunamovie

Kamalhaasan

Gunarerelease

கருத்துகள் (0) கருத்தைப் பதிவு செய்ய

தன் படத்திற்கு தானே வரிவிலக்கு ...

மலேசிய பிரதமரை சந்தித்த ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய