Dinamalar

தன் படத்திற்கு தானே வரிவிலக்கு அளித்த பார்த்திபன்

நடிகரும், இயக்குனருமான பார்த்திபன் தற்போது 'டீன்ஸ்' என்ற படத்தை தயாரித்து, இயக்கி, நடித்துள்ளார். இந்த படத்தில் பார்த்திபன் தவிர குழந்தை நட்சத்திரங்களான பிரஷிதா நசீர், எல்ஏ ரிஷே ரத்னவேல், பிராங்கின்ஸ்டீன், தீபேஷ்வரன் ஜிஎஸ், அஸ்மிதா மகாதேவன், கேஎஸ் தீபன், உதய்பிரியன் கே, விஷ்ருதா ஷிவ், டி ஜான் போஸ்கோ, சில்வென்ஸ்டன், டி.அம்ருதா மற்றும் கிருத்திகா உள்ளிட்ட பலர் நடித்துள்ளனர். யோகிபாபு முக்கிய கேரக்டரில் நடித்துள்ளார்.

பார்த்திபனுடன் கால்டுவெல் வேல்நம்பி, டாக்டர் பாலா சுவாமிநாதன், டாக்டர் பிஞ்சி ஸ்ரீனிவாசன் மற்றும் ரஞ்சித் தண்டபாணி ஆகியோர் இணைந்து தயாரித்துள்ளனர். படத்திற்கு டி இமான் இசையமைத்துள்ளார், கேவ்மிக் ஆரி ஒளிப்பதிவு செய்துள்ளார்.

இந்த படம் நாளை வெளிவருகிறது. இந்த படத்திற்கு திரையரங்க கட்டணமாக 100 ரூபாய் நிர்ணயித்துள்ளார் பார்த்திபன். “இது என் படத்திற்கு நானே விதித்துக் கொண்ட வரிவிலக்கு. இதனால் நட்டம் என்பதல்ல நல்ல படத்தை எல்லோருக்கும் பார்க்க வேண்டும் என்கிற நாட்டமே” என்று அவர் குறிப்பிட்டுள்ளார்.

மற்றொரு பதிவில், ‛‛100 ரூ +ஜிஎஸ்டி etc விலையில் டிக்கெட் என் விருப்பம். விநியோகஸ்தர்கள் திரையரங்கு உரிமையாளர்கள் சம்மதித்தப் பின்னே இம்முடிவு. இருப்பினும் சில இடங்களில் முன் பின் இருக்கும். பொறுத்தருள்க! ரிசர்வ்வேஷன் துவங்கிவிட்டது. இன்று Thursday ஆகிவிட்டது, நாளை TEENZ day ஆக்குங்கள்'' என குறிப்பிட்டுள்ளார் பார்த்திபன்.

• 
  மனநல தூதர் ஆனார் தீபிகா
• 
  செருப்பு அணிந்து அபுதாபி மசூதிக்குள் சென்றாரா சோனாக்ஷி சின்ஹா?
• 
  பண்ணை வீடு திருட்டு சம்பவம் ; துப்பாக்கி லைசென்ஸுக்கு விண்ணப்பித்த ...
• 
  சுஹர்ஷ் ராஜ் நடித்த மியூசிக் வீடியோ: அனூப் ஜலோடா, பாடகி மதுஸ்ரீ பாராட்டு
• 
  ஹ்ரித்திக் ரோஷன் தயாரிப்பில் உருவாகும் புதிய வெப் தொடர்

• 
  ரஜினி, கமல் இணையும் படத்தை இயக்குகிறேனா? : பிரதீப் ரங்கநாதன் சொன்ன பதில்
• 
  அஜித் 64வது படத்தில் இயக்குனர் சரண் பணியாற்றுகிறாரா?
• 
  காந்தாரா சாப்டர் 1 கிளைமாக்ஸ் சவால்களை வெளியிட்ட ரிஷப் ஷெட்டி
• 
  பிரியங்கா மோகனின் ‛மேட் இன் கொரியா'
• 
  பாலாஜி மோகன், அர்ஜுன் தாஸ் இணையும் ‛லவ்'