Dinamalar

வசூல் சாதனை படைக்குமா 'கல்கி 2898 ஏடி' ?

நாக் அஸ்வின் இயக்கத்தில், சந்தோஷ் நாராயணன் இசையமைப்பில், பிரபாஸ், தீபிகா படுகோனே, அமிதாப்பச்சன், கமல்ஹாசன், திஷா பதானி மற்றும் பலர் நடிக்கும் தெலுங்குப் படமான 'கல்கி 2898 ஏடி' நாளை(ஜூன் 27) உலகம் முழுவதும் ஐந்து மொழிகளில் வெளியாகிறது.

'பாகுபலி 2, ஆர்ஆர்ஆர்' ஆகிய தெலுங்குப் படங்கள் உலக அளவில் பெரிய வசூல் சாதனையை நிகழ்த்தின. 'பாகுபலி 2' படத்திற்குப் பிறகு பிரபாஸூக்கு பெரிய அளவில் வசூல் சாதனை செய்யும் படங்கள் அமையவில்லை. அதற்குப் பிறகு அவர் நடித்து வெளிவந்த படங்கள் 'பாகுபலி 2' படத்தை விடவும் குறைவான வசூலையே பெற்றன.

'கல்கி 2898 ஏடி' படத்தைப் பொறுத்தவரையில் இந்தியத் திரையுலகத்தின் பெரும் நட்சத்திரங்களான அமிதாப், கமல் ஆகியோர் முக்கிய கதாபாத்திரங்களில் நடித்திருக்கிறார்கள் என்பது கூடுதல் பலமாக உள்ளது. பாலிவுட்டின் முன்னணி நடிகையான தீபிகா படுகோனே முதல் முறையாக நடிக்கும் தெலுங்குப் படம். இப்படி பல விஷயங்கள் இந்தப் படத்தில் உள்ளன.

சுமார் 600 கோடி ரூபாய் செலவில் இப்படம் தயாராகி உள்ளது என சொல்லப்படுகிறது. தெலுங்கில் 170 கோடி, கர்நாடகாவில் 25 கோடி, தமிழகத்தில் 16 கோடி, கேரளத்தில் 6 கோடி, ஹிந்தியில் 85 கோடி, வெளிநாடுகளில் 70 கோடி என மொத்தமாக சுமார் 372 கோடிக்கு இப்படத்தின் வியாபாரம் நடந்துள்ளதாக டோலிவுட் தகவல்கள் தெரிவிக்கின்றன.

அதனால் உலக அளவில் சுமார் 750 கோடி வசூலித்தால் மட்டுமே இந்தப் படத்தை வாங்கியவர்களுக்கு லாபம் கிடைக்கும் என்கிறார்கள். இதுவரை வெளிவந்த பிரபாஸ் படங்களில் அதிக விற்பனையான படம் இது என்பது கூடுதல் தகவல்.

தெலுங்கு திரையுலகத்தைப் பொறுத்தவரையில் 'பாகுபலி 2' படம் 1800 கோடி வசூலுடன் முதலிடத்தில் உள்ளது. 'ஆர்ஆர்ஆர்' படம் 1380 கோடியை வசூலித்துள்ளது. அதற்கடுத்து 'சலார்' படம் சுமார் 700 கோடி வரை வசூலித்தது என்றார்கள். இந்த 'கல்கி 2898 ஏடி' படம் மூலம் தன்னுடைய 'பாகுபலி 2' வசூலை பிரபாஸ் முறியடிப்பாரா என்ற எதிர்பார்ப்பு எழுந்துள்ளது. குறைந்தபட்சம் 'சலார்' வசூலையாவது அவர் முறியடிக்க வேண்டும் என்பது அவரது ரசிகர்களின் எதிர்பார்ப்பாக உள்ளது.

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  இளம் நடிகருடன் காதலா? - கோட் நடிகை விளக்கம்
• 
  ஏஆர் ரஹ்மான் பிரிவுக்கும், மோகினி டே பிரிவுக்கும் சம்பந்தம் இல்லை: சாய்ரா ...
• 
  என் மகளை மீட்டு தந்தது செட்டிக்குளங்கரா தேவி தான் : நயன்தாரா அம்மா ...
• 
  கிஸ் படத்திலிருந்து அனிரூத் விலகலா?
• 
  சம்பந்தி இது சரியில்லை : ‛ராஜாகிளி' பட விழாவில் அர்ஜூன் கலாட்டா