Dinamalar

ரஜினி 171வது படத்தில் நாகார்ஜுனா?

லோகேஷ் கனகராஜ் இயக்கத்தில் ரஜினி நடிக்கும் 171வது படம் பற்றிய தகவல்கள் கடந்த சில நாட்களாக வெளியாகி வருகின்றன. அப்படத்தில் சத்யராஜ், ஸ்ருதிஹாசன் ஆகியோர் நடிக்கப் போவதாகத் தகவல் வெளியானது. அதுபோல தெலுங்கு நடிகரான நாகார்ஜுனாவும் நடிக்கப் போகிறார் என டோலிவுட் வட்டாரங்கள் தெரிவிக்கின்றன.

நாகார்ஜுனா தமிழில் கடைசியாக 2016ல் வெளிவந்த 'தோழா' படத்தில் நடித்திருந்தார். தற்போது தெலுங்கு இயக்குனர் சேகர் கம்முலா இயக்கத்தில் தனுஷ் நடிக்கும் 'குபேரா' படத்தில் முக்கிய கதாபாத்திரம் ஒன்றில் நடித்து வருகிறார். தெலுங்கில் வேறு எந்த புதிய படத்திலும் நடிக்காத நாகார்ஜுனா அடுத்த படமாக மீண்டும் ஒரு தமிழ்ப் படம், அதுவும் ரஜினிகாந்த் நடிக்கும் படம் என்பது ஆச்சரியமான தகவல்.

தெலுங்கில் முன்னணி நடிகராக இருந்தாலும் 30 வருடங்களுக்கு முன்பே தமிழில் டப்பிங் படங்களான 'உதயம், இதயத்தைத் திருடாதே' ஆகிய படங்களின் மூலம் சூப்பர் ஹிட்களைக் கொடுத்தவர் நாகார்ஜுனா என்பது இன்றைய இளம் ரசிகர்களுக்குத் தெரிந்திருக்க வாய்ப்பில்லை.

ரஜினி 171வது படம் 'ஜெயிலர், வேட்டையன்' படங்களைப் போலவே மற்ற மொழி நடிகர்கள் நடிக்க மல்டிஸ்டார் படமாக உருவாகும் எனத் தெரிகிறது. விரைவில் இதற்கான அறிவிப்புகள் வெளியாகலாம்.

• 
  ஷாருக்கான் மகளுக்கு அம்மாவாக நடிக்கும் தீபிகா படுகோன்
• 
  சன்னி தியோலை நேரில் சந்தித்த பிரபாஸ்: ‛ஜாட்' படத்திற்கு வாழ்த்து
• 
  பிரித்விராஜ்க்கு வருமான வரித்துறை நோட்டீஸ் ; எம்புரான் படம் காரணம் அல்ல
• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...
• 
  சினிமா ஆனது இந்தியாவின் முதல் மகாத்மாவின் வாழ்க்கை

• 
  சென்னையை விட்டு சென்றது ஏன்? சசிகுமார் விளக்கம்
• 
  தமிழிலும் வெளியாகும் 'இத்திக்கர கொம்பன்'
• 
  குழந்தைகளின் உளவியலை பேசும் 'நாங்கள்'
• 
  சிங்கப்பூர் பள்ளியில் படிக்கும் பவன் கல்யாண் மகன் தீ விபத்தில் சிக்கி ...
• 
  பிளாஷ்பேக்: கடைசி வரை ஹீரோயின் ஆக முடியாத பிருந்தா பரேக்