Dinamalar

அதிகமாகும் ரீ-ரிலீஸ் படங்கள் : தடுமாறும் புதிய படங்கள்

தமிழ் சினிமா உலகம் இதுவரை பார்க்காத அளவிற்கு கடந்த சில மாதங்களாக ரீ-ரிலீஸ் படங்களின் எண்ணிக்கை அதிகமாகி வருகிறது. இது தற்போது ஒரு டிரெண்டாகவே மாறிவிட்டது.

இந்த 2024ம் ஆண்டில் இதுவரை வெளிவந்த நேரடி புதிய தமிழ்ப் படங்கள் எதுவும் சொல்லிக் கொள்ளும்படியான லாபத்தைத் தரவில்லை. இப்படி ஒரு நிலைமை வேறு எந்த வருடத்திலும் நடந்ததில்லை. பொங்கலுக்கு வெளிவந்த படங்களும் ஏமாற்றின. அடுத்து தமிழ் வருடப் பிறப்பிலும் பெரிய படங்கள் எதுவும் வரவில்லை.

ஆனால், வாராவாரம் ரீ-ரிலீஸ் படங்களை வெளியிட பல தியேட்டர்காரர்கள் ஆர்வம் காட்டுகிறார்கள். யதேச்சையாக ஆரம்பமான இந்த ரீ-ரிலீஸ் தற்போது ரெகுலராக மாறிவிட்டது. தற்போது கூட கார்த்தி நடித்து வெளிவந்த 'பையா', விஜய் நடித்து வெளிவந்த 'கில்லி' ஆகிய படங்களின் ரீ-ரிலீஸ்களை அறிவித்துள்ளார்கள்.

முன்பெல்லாம் ரீரிலீஸ் படங்களை திரையிடுவதற்கென்றே தனி தியேட்டர்கள் இருக்கும். அங்கு எப்போதுமே பழைய எம்ஜிஆர், சிவாஜி ஆகியோரது படங்கள், அதிக நாட்கள் ஓடிய மற்ற நடிகர்களது படங்கள் வெளியாகும். ஆனால், இப்போது மல்டிபிளக்ஸ் தியேட்டர்களில் கூட ரீ-ரிலீஸ் படங்களை வெளியிட ஆரம்பித்துவிட்டார்கள்.

ஒரு பக்கம் ஹிட்டான பழைய படங்களை மீண்டும் தியேட்டர்களில் பார்ப்பது சிறப்புதான் என்றாலும், அதன் தாக்கம் புதிய படங்களையும் பாதிக்கிறது. அதனால், புதிய படங்களுக்கு தியேட்டர்கள் கிடைப்பதில் சிக்கல் ஏற்படுகிறது. புதிய படங்களை விட பழைய படங்களைத் திரையிடுவதன் மூலம் நல்ல லாபமும் கிடைக்கிறது என தியேட்டர்காரர்கள் சொல்கிறார்கள்.

முன்னணி நடிகர்களின் படங்கள் எதுவும் வராத காரணத்தால் இன்னும் சில வாரங்களுக்கு இப்படியான ரீ-ரிலீஸ் டிரெண்ட் இருக்கும். முன்னணி நடிகர்களின் படங்கள் வந்துவிட்டால் ரீ-ரிலீஸை விட்டுவிடுவார்கள் என்றும் பாக்ஸ் ஆபீஸ் வட்டாரங்களில் தெரிவிக்கிறார்கள்.

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  இளம் நடிகருடன் காதலா? - கோட் நடிகை விளக்கம்
• 
  ஏஆர் ரஹ்மான் பிரிவுக்கும், மோகினி டே பிரிவுக்கும் சம்பந்தம் இல்லை: சாய்ரா ...
• 
  என் மகளை மீட்டு தந்தது செட்டிக்குளங்கரா தேவி தான் : நயன்தாரா அம்மா ...
• 
  கிஸ் படத்திலிருந்து அனிரூத் விலகலா?
• 
  சம்பந்தி இது சரியில்லை : ‛ராஜாகிளி' பட விழாவில் அர்ஜூன் கலாட்டா