Dinamalar

விஜய்யை ஏமாற்றுகிறார் புஸ்ஸி ஆனந்த் : தந்தை சந்திரசேகர் குற்றச்சாட்டு

சென்னை : தன் மகன் விஜய்யை, புஸ்ஸி ஆனந்த் ஏமாற்றுவதாக எஸ்.ஏ.சந்திரசேகர் குற்றம் சாட்டியுள்ளார்.

தமிழக வெற்றிக் கழகம் என்ற பெயரில் புதிய கட்சியை நடிகர் விஜய் துவக்கியுள்ளார். இந்திய தேர்தல் ஆணையத்தில் பதிவு செய்வதற்கு, பிப்., மாதம் 2ம் தேதி விண்ணப்பம் வழங்கப்பட்டது. இதுவரை கட்சி பதிவு செய்யப்பட்டதா என்ற விவரம் வெளியாகவில்லை. கட்சிக்கு இரண்டு கோடி உறுப்பினர்கள் சேர்க்கப்படுவர் என்று அறிவிக்கப்பட்டது. இதற்காக, மொபைல் போன் செயலியும் மார்ச்சில் அறிமுகம் செய்யப்பட்டது.

ஒரே வாரத்தில் 50 லட்சம் உறுப்பினர்கள் சேர்க்கப்பட்டதாக அறிவிக்கப்பட்டது. அதன்பின், உறுப்பினர் சேர்க்கை என்னவானது என்ற விபரம் வெளியிடப்படவில்லை. இது, ரசிகர்கள் மத்தியில் விரக்தியை ஏற்படுத்திஉள்ளது.

இந்நிலையில், கட்சியின் பொதுச்செயலர் புஸ்ஸி ஆனந்த், நடிகர் விஜயை ஏமாற்றுவதாக, விஜயின் தந்தை சந்திரசேகர் பேசிய வீடியோ, சமூக வலைதளங்களில் பரப்பப்பட்டு வருகிறது.

அதில், சந்திரசேகர் கூறியிருப்பதாவது: புஸ்ஸி ஆனந்த், ஒரு சமூக வலைதள பக்கத்தை வைத்துள்ளார். இதில், விஜய் உட்பட 50 பேர் உள்ளனர். அதில், கட்சிக்காக புஸ்ஸி ஆனந்த் கஷ்டப்படுவது போன்ற பதிவுகள் போடப்படுகின்றன. அதை பலரும், 'லைக்' செய்கின்றனர். இதை பார்த்து, புஸ்ஸி ஆனந்த் கடுமையாக உழைப்பதாக விஜய் நம்பிக் கொண்டிருக்கிறார். விஜய்யை ஏமாற்றுகின்றனர்.

இவ்வாறு அவர் கூறியுள்ளார்.

இது குறித்து, த.வெ.க., நிர்வாகிகளிடம் கேட்டபோது, ‛‛இந்த வீடியோ எப்போது எடுக்கப்பட்டது என்று தெரியவில்லை. இதற்கு நாங்கள் பதில் சொல்ல முடியாது. உரிய நேரத்தில் விஜய் பதில் அளிப்பார்'' என்றனர்.

• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி

• 
  ''அப்பா ஒரு குழந்தை; ஆதாரமற்ற வதந்திகளை பரப்பாதீர்கள்'' - ஏ.ஆர்.ரஹ்மான் ...
• 
  அழகுக்காக ஸ்ரீதேவி பட்ட சிரமம் : போனி கபூர் தகவல்
• 
  'வேவ்ஸ்' ஓ.டி.டி., தளம் : பிரசார் பாரதி துவக்கம்
• 
  நவ.26ம் தேதியில் விடுதலை-2 படத்தின் இசை வெளியீட்டு விழா
• 
  தெலுங்கில் அறிமுகமாகும் மமிதா பைஜூ