Dinamalar

மம்முட்டியின் பெயர் மாற்றப்பட்டு வெளியான பிரம்மயுகம்

நடிகர் மம்முட்டி நடிப்பில் கடந்த வருடம் வெளியான கண்ணூர் ஸ்குவாட், காதல் : தி கோர், நண்பகல் நேரத்து மயக்கம் என அனைத்து படங்களும் ரசிகர்களிடம் வரவேற்பை பெற்றன. வசூல் ரீதியாகவும் டீசன்டான வெற்றியை பெற்றன. இந்த நிலையில் மம்முட்டி நடிப்பில் பிரம்மயுகம் என்கிற படம் தற்போது வெளியாகி உள்ளது. பதினெட்டாம் நூற்றாண்டில் நடைபெறுவதாக இந்த படத்தின் கதை உருவாக்கப்பட்டுள்ளது. இந்த படத்தில் குஞ்சுமோன் போட்டி என்கிற 70 வயதுக்கு மேற்பட்ட கதாபாத்திரத்தில் மம்முட்டி நடித்துள்ளார்.

ஆனால் இந்த பெயர் 200 ஆண்டுகளுக்கு முன்பு வாழ்ந்த தங்களது மூதாதையரின் பெயரை குறிப்பிடுவது போலவும் அவரது புகழுக்கு களங்கம் ஏற்படுத்துவது போலவும் இருப்பதாக கூறி இந்தப்படத்திற்கு வழங்கப்பட்ட சென்சார் சான்றிதழை திரும்ப பெற வேண்டும் என்றும் சம்பந்தப்பட்ட குடும்பத்தினர் நீதிமன்றத்தில் வழக்கு தொடர்ந்தனர்.

இதனை விசாரித்த நீதிமன்றம் இது குறித்து பதில் அளிக்க படக்குழுவினருக்கு உத்தரவிட்டது. படம் ரிலீஸ் ஆகும் நேரத்தில் இந்த பெயர் பிரச்சினையால் ரிலீஸ் தடைப்படக்கூடாது என முடிவு செய்த படக்குழுவினர் மம்முட்டியின் கதாபாத்திரமான குஞ்சுமோன் போட்டி என்பதை கொடுமோன் போட்டி என மாற்றி தணிக்கை குழுவின் அனுமதி பெற்று படத்தை வெளியிட்டுள்ளனர்.

• 
  தீபிகாவிற்கு கிடைத்த கவுரவம் : 2026 ‛‛ஹாலிவுட் வாக் ஆப் பேம்'' -விற்கு ...
• 
  வார் 2 : ஹிருத்திக் ரோஷன், ஜூனியர் என்டிஆர் இடையே நடன போட்டி?
• 
  நேரடியாக ஓடிடியில் வெளியாகும் பிரித்விராஜின் ஹிந்தி படம்
• 
  மனைவியின் பிரிவால் ஒன்றரை ஆண்டு தினந்தோறும் குடித்தேன் : அமீர்கான்
• 
  என் தந்தைக்கு புல் மீல்ஸ்... எனக்கு ஒரு ஸ்பூன் சாதம் : சல்மான்கான் சொன்ன ...

• 
  மார்கோ 2 நிச்சயம் உருவாகும் : உன்னி முகுந்தன் விலகிய பிறகும் உறுதியாக ...
• 
  உங்களை ஏமாற்ற மாட்டேன் லாலேட்டா : மோகன்லால் மகளை அறிமுகப்படுத்தும் ...
• 
  சுரேஷ் கோபி பட சென்சார் விவகாரம் : சனிக்கிழமை படம் பார்க்கும் நீதிபதி
• 
  மலையாள இயக்குனர் மீது பாலியல் புகார்: நடிகை கைது
• 
  முக்கிய நிபந்தனையுடன் மீண்டும் பிக்பாஸ் நிகழ்ச்சிக்கு திரும்பும் ...