Dinamalar

புது இயக்குனர்கள்தான் என்னை தூக்கிச் செல்கிறார்கள் : ஜெயம் ரவி

அறிமுக இயக்குநர் ஆண்டனி பாக்யராஜ் இயக்கத்தில் ஜெயம் ரவி நடித்துள்ள படம் 'சைரன்'. 'பொன்னியின் செல்வன்' படத்துக்குப் பிறகு ஜெயம் ரவி நடிப்பில் வெளியான 'இறைவன்' 'அகிலன்' படங்கள் அவருக்கு பெரிதாக கைகொடுக்கவில்லை. இந்த நிலையில் அவர் நடித்துள்ள 'சைரன்' படம் வருகிற 16ம் தேதி வெளிவருகிறது. கீர்த்தி சுரேஷ் நாயகியாக நடிக்கும் இப்படத்துக்கு ஜி.வி.பிரகாஷ்குமார் இசையமைத்துள்ளார். சமுத்திரகனி, யோகிபாபு, அனுபமா பரமேஸ்வரன் உள்ளிட்ட பலர் நடித்துள்ளனர். ஹோம் மூவி மேக்கர்ஸ் சார்பில் ஜெயம் ரவியின் மாமியார் சுஜாதா விஜயகுமார் தயாரித்துள்ளார்.

படத்தின் அறிமுக நிகழ்ச்சி நேற்று நடந்தது. இதில் கலந்து கொண்டு ஜெயம் ரவி பேசியதாவது: எட்டிட்டர் ரூபன் மூலமாகத்தான் இயக்குனர் ஆண்டனி பாக்யராஜ் அறிமுகமானார். அவர் சொன்ன கதை எனக்கு பிடித்திருந்ததால் உடனே ஒப்புக் கொண்டேன். படத்தை தயாரிக்க எனக்கு அம்மா போன்ற மாமியார் முன் வந்தார். ஒரு உயிரை காப்பாற்ற சில நொடிகள் முக்கியமானது. என்பதை சொல்லும் படம். முதன் முறையாக இரண்டு கெட்-அப்களில் நடித்திருக்கிறேன். இரண்டு விதமான டைம் லைன் இந்த படத்திற்கு தேவையானதாக இருந்தது.

இந்த படத்தின் ஜீவனே கிளைமாக்ஸ்தான். அந்த கிளைமாக்ஸை நோக்கியே காட்சிகள் நகரும். கோமாளி படத்திற்கு பிறகு யோகி பாபு படம் முழுக்க என்னோடு பயணிக்கிற கேரக்டர். உண்மையிலே இந்த படத்திற்கு கடுமையான உழைத்திருக்கிறேன். கஷ்டப்பட்டிருக்கிறேன். 75 நாட்கள் வரை படப்பிடிப்பு நடந்தது. முதலிலேயே இயக்குனரை நம்பி விட்டதால் எதிலும் தலையிடாமல் அவர் சொன்னதை செய்தேன்.

நான் புதுமுக இயக்குனர்களுக்கு நிறைய வாய்ப்புகள் வழங்குவதாக சொல்வார்கள். ஆனால் உண்மையிலேயே அவர்கள்தான் எனக்கு வாய்ப்பு கொடுத்து தூக்கிச் செல்கிறார்கள், வளர்க்கிறார்கள். அவர்களின் உழைப்பு, திறமையை எனக்காக தருகிறார்கள். நான் வெறும் கருவிதான். என்றார்.

• 
  முதன்முதலாக குழந்தையை அறிமுகப்படுத்திய தீபிகா, ரன்வீர் சிங்
• 
  அட்லி - அல்லு அர்ஜூன் படம் ஒரு சினிமா புரட்சி! ரன்வீர் சிங் வெளியிட்ட தகவல்
• 
  அமிதாப் பச்சனின் தீபாவளி கொண்டாட்டத்தில் மகளுடன் ஆப்சென்ட் ஆன ஐஸ்வர்யா ...
• 
  ‛பேட்டில் ஆப் கல்வான்' படப்பிடிப்பில் சல்மான்கானுக்கு மொபைல் போன் ...
• 
  காதலருடன் ஹூமா குரேஷிக்கு நிச்சயதார்த்தம் நடந்ததா?

• 
  தமிழ் இயக்குனர்களின் சாதியப் படங்கள் : துருவ் விக்ரம் விளக்கம்
• 
  சிரஞ்சீவி வீட்டில் நயன்தாரா குடும்பத்தினரின் தீபாவளி கொண்டாட்டம்
• 
  எந்த ஒரு கட்டுக்கதையும் என்னை அழித்துவிட முடியாது ; சர்ச்சைக்கு ...
• 
  இப்ப, தமிழ் சினிமாவில் டாப் 5 ஹீரோயின் யார் தெரியுமா?
• 
  சூர்யாவின் ‛கருப்பு' ரிலீஸ் எப்போது?