Dinamalar

ரகு தாத்தா படத்தில் ஹிந்திக்கு எதிரான வசனங்கள்: சர்ச்சையில் சிக்கும் கீர்த்தி சுரேஷ்

சுமன் குமார் இயக்கத்தில் கீர்த்தி சுரேஷ் கதையின் நாயகியாக நடித்துள்ள படம் ரகு தாத்தா. எம். எஸ். பாஸ்கர், தேவதர்ஷினி, ரவீந்திர விஜய் ஆகியோரும் முக்கிய வேடங்களில் நடித்துள்ள இந்த படத்தின் டீசர் தற்போது வெளியாகியுள்ளது. இதில், என்சிசி பயிற்சியில் ஹிந்தியில் பேசும் போது, தமிழ்ல சொல்லுங்க சார் எனக்கு ஒண்ணுமே புரியல என்று சொல்ல தொடங்கி படம் முழுக்க ஹிந்திக்கு எதிர்ப்பை பதிவு செய்யும் காட்சிகளில் நடித்திருக்கிறார் கீர்த்தி சுரேஷ்.

அவர் ஹிந்திக்கு எதிராக பேசும் வசனங்கள் மட்டுமின்றி கரும்பலகையில் ஹிந்தியை அழிப்பது, ஹிந்தியில் தேர்வு எழுதினால் தான் எங்களுக்கு ப்ரோமோஷன் கிடைக்குமா? அப்படி என்றால் அந்தப் பிரமோசனே எங்களுக்கு தேவையில்லை என்று மேலதிகாரியிடம் சொல்லும் காட்சியிலும் நடித்துள்ளார் கீர்த்தி சுரேஷ்.

ஹிந்தி எதிர்ப்பு போராட்டம் நடத்துவது என்னுடைய கருத்து. வெகுஜனங்களுக்கு போய் சேர வேண்டும் என்றால் நான் மெட்ராஸ் போக வேண்டும் என்று சொல்வது என கடந்த 50 ஆண்டுகளுக்கு முன்பு ஹிந்தி எதிர்ப்பு போராட்டம் நடந்த காலகட்டத்தில் இந்த கதை உருவாக்கப்பட்டுள்ளது. அதோடு அத்தனை எதிர்ப்புகளையும் மீறி ஹிந்தியை திணித்தே தீருவோம் என்றால் ஹிந்தி தெரியாது போய்யா என்று சொல்லுவோம் என கீர்த்தி சுரேஷ் பேசும் வசனம் இந்த டீசரில் அமைந்திருக்கிறது.

இப்படம் விரைவில் திரைக்கு வருகிறது. இப்படத்தின் தமிழக வெளியீட்டு உரிமையை ரெட் ஜெயன்ட் மூவிஸ் பெற்றுள்ளது.

கீர்த்தி சுரேஷ் தமிழ் மட்டுமல்லாமல், தெலுங்கு, ஹிந்தியிலும் கவனம் செலுத்தி வருகிறார். அப்படியிருக்கையில், ஹிந்தி தெரியாது என படத்தில் பேசி, தேவையில்லாத வீண் சர்ச்சையில் சிக்கியுள்ளார். டீசரில் இடம்பெற்ற வசனங்களுக்கு ஒருசிலர் ஆதரவு தெரிவித்தாலும், பலரும் ஹிந்தி படத்தில் நடிக்க ஆசைப்படும்போது ஹிந்தி எதிர்ப்பு வசனம் தேவையில்லாதது என கருத்து தெரிவித்துள்ளனர்.

• 
  ரங்தே பசந்தி 20ம் வருட நிறைவு : படக்குழுவினருடன் சேர்ந்து கொண்டாடிய ...
• 
  துரந்தர் 2 படத்தில் சிறப்பு தோற்றத்தில் நடித்த விக்கி கவுசல், யாமி கவுதம்
• 
  கணவர் அபிஷேக் பச்சனுக்கு பிறந்தநாள் வாழ்த்து சொன்ன ஐஸ்வர்யா ராய்
• 
  ஆன்லைன் விளையாட்டு மோகத்தால் மூன்று இளம் பெண்கள் தற்கொலை ; சோனு சூட் ...
• 
  அனிமல் 2ம் பாகத்திற்கு அனிமல் பார்க் டைட்டில் ஏன் ? ; சந்தீப் ரெட்டி வங்கா ...

• 
  2046ல் என்ன நடக்கும் ? ரஜிஷா விஜயனின் புதிய படம் பதில் சொல்லும்
• 
  ஆல்பம் பாடலில் அதிர வைக்கும் அழகுடன் மஞ்சு வாரியர்
• 
  ‛திரிஷ்யம் 3' கிளைமாக்ஸ் ஷாக்கிங் ஆக இருக்கும் : நடிகை ஆஷா சரத்
• 
  சம்பளத்துக்கு பதிலாக ஷேர் வாங்கும் அல்லு அர்ஜுன்!
• 
  மீண்டும் ஜிம்மில் ஒர்க்அவுட் செய்யும் வீடியோவை வெளியிட்ட திரிஷா!