Dinamalar

மின்சாரம் தாக்கி பலியான ரசிகர்களின் குடும்பத்திற்கு மகனாக இருப்பேன்: யஷ் கண்ணீர்

கன்னட சினிமாவில் இரண்டாவது வரிசையில் இருந்த யஷ், 'கேஜிஎப்' படங்களுக்கு பிறகு பான் இந்தியா நட்சத்திரமாகி விட்டார். அவருக்கு கோடிக் கணக்கில் ரசிகர்கள் உருவாகி இருக்கிறார்கள். இந்த நிலையில் யஷ் பிறந்த நாளையொட்டி அவரது பேனர் வைக்க முயன்ற சுரங்கி கிராமத்தை சேர்ந்த ரசிகர்கள் 3 பேர் மின்சாரம் தாக்கி பலியான சம்பவம் கர்நாடகாவில் அதிர்ச்சியை ஏற்படுத்தி உள்ளது.

இதனை கேள்விப்பட்டதும், கோவாவில் படப்பிடிப்பில் இருந்த யஷ், சுரங்கி கிராமத்துக்கு சென்றார். அங்கு மரணம் அடைந்தவர்களின் குடும்பத்தினரை பார்த்து கண்ணீர் விட்டு ஆறுதல் கூறினார். பின்னர் நிருபர்களிடம் யஷ் கூறும்போது, “இதுபோன்ற சம்பவங்கள் நடந்துவிடும் என்று கருதித்தான் பிறந்தநாள் கொண்டாட வேண்டாம் என்று முடிவு செய்து கோவாவுக்கு சென்றேன். ஆனாலும் விபத்தில் மூன்று ரசிகர்கள் மரணம் அடைந்தது வேதனையை ஏற்படுத்தியது. மரணம் அடைந்த இளைஞர்கள் குடும்பத்துக்கு ஒரு மகன் பொறுப்பில் இருந்து வாழ்நாள் முழுவதும் தேவையான அனைத்தையும் செய்வேன்.

ரசிகர்களுக்கு நான் சொல்வது ஒன்றுதான். வாழ்க்கையில் மகிழ்ச்சியாக இருங்கள். எங்களைப் பற்றி யோசிக்காதீர்கள். பெற்றோரை பற்றி சிந்தியுங்கள். இனிமேலாவது இதுபோல் கட் அவுட், பேனர் வைப்பதை கைவிடுங்கள். கடந்த வருடமும் எனது பிறந்த நாளில் அசம்பாவிதங்கள் நடந்தன. இதையெல்லாம் பார்க்கும்போது எனது பிறந்த நாள் என்றாலே எனக்கு பயமாக இருக்கிறது'' என்றார்.

• 
  ஷாருக்கான் மகளுக்கு அம்மாவாக நடிக்கும் தீபிகா படுகோன்
• 
  சன்னி தியோலை நேரில் சந்தித்த பிரபாஸ்: ‛ஜாட்' படத்திற்கு வாழ்த்து
• 
  பிரித்விராஜ்க்கு வருமான வரித்துறை நோட்டீஸ் ; எம்புரான் படம் காரணம் அல்ல
• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...
• 
  சினிமா ஆனது இந்தியாவின் முதல் மகாத்மாவின் வாழ்க்கை

• 
  அஸ்வத் மாரிமுத்துவிற்கு விண்ணப்பித்த 15 ஆயிரம் உதவி இயக்குனர்கள்!
• 
  கவுதம் ராம் கார்த்திக் 19வது படத்தின் படப்பிடிப்பு துவங்கியது!
• 
  ''இப்போ ரிஸ்க் எடுக்கலைனா.. எப்பவும் இல்ல'': சினிமா என்ட்ரி குறித்து ...
• 
  த்ரிவிக்ரம் இயக்கத்தில் தனுஷ்?
• 
  குட் பேட் அக்லி - முன்பதிவு நிலவரம் என்ன?