Dinamalar

இந்த வாரம் 'ராமாயணா' படப்பிடிப்பில் கலந்து கொள்ளும் யஷ்!

தற்போது நடிகை கீது மோகன்தாஸ் இயக்கும் 'டாக்ஸிக்' என்ற கேங்ஸ்டர் படத்தில் நடித்து வருகிறார் 'கேஜிஎப்' நாயகன் யஷ். 200 கோடி பட்ஜெட்டில் உருவாகும் இந்த படத்தில் யஷூடன் நயன்தாரா, கியாரா அத்வானி, ஹூமா குரேஷி உள்பட பலர் நடிக்கிறார்கள். இந்த படத்தின் முக்கியத்துவம் வாய்ந்த காட்சிகளில் நடித்து முடித்துவிட்ட யஷ், இந்த வாரம் மும்பையில் நடைபெறும் 'ராமாயணா' ஹிந்தி படத்தின் படப்பிடிப்பில் கலந்து கொள்ளப் போகிறார்.

ஏற்கனவே இந்த படத்தில் ரன்வீர் கபூர், சாய் பல்லவி ஆகியோர் நடித்து வந்த நிலையில் அடுத்து யஷூம் அவர்களுடன் இணைகிறார். அதோடு ராமாயணா படத்தின் முதல்கட்ட படப்பிடிப்பில் கலந்து கொள்வதற்கு முன்னதாக, உஜ்ஜியினியில் உள்ள புனிதமான ஸ்ரீ மகாலேஷ்வர் கோவிலுக்கு சென்று தரிசனம் செய்துவிட்டு படப்பிடிப்பில் கலந்து கொள்ளப் போகிறார் யஷ்.

இப்படத்தில் ராவணனாக வில்லன் வேடத்தில் நடிக்கும் யஷ் படப்பிடிப்பு தளத்திற்கு செல்லும் போது அவருக்கு சிறப்பு வரவேற்பு கொடுக்க படக்குழு திட்டமிட்டுள்ளார்கள். மேலும், இரண்டு பாகங்களாக உருவாகி வரும் இந்த ராமாயணா படத்தின் முதல் பாகத்தை 2026 தீபாவளிக்கும், இரண்டாம் பாகத்தை 2027ம் ஆண்டு தீபாவளிக்கும் வெளியிட திட்டமிட்டுள்ளார்கள்.

• செய்திகள்
• வந்த படங்கள்

• 
  ஹீரோவாக மாறும் காமெடியன் ரவி மரியா: ஹீரோயின் தேடும் பணி தீவிரம்
• 
  ஜனநாயகன் முதல் காட்சி டிக்கெட் விலை எவ்வளவு : இதுதான் கோலிவுட்டில் ஹாட் ...
• 
  சரஸ்வதி பட படப்பிடிப்பை நிறைவு செய்த வரலட்சுமி
• 
  ஊட்டுகுளங்கரா பகவதி கோவிலில் அஜித் வழிபாடு
• 
  கண்ணீரை வரவழைத்தது : சிறை படத்தை பாராட்டிய இயக்குனர் ஷங்கர்

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'