சலார் சாதனையையும் சேர்த்து முறியடித்த குண்டூர் காரம் டிரைலர் - Guntur Kaaram trailer breaks the record of Saalar as well

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

'சலார்' சாதனையையும் சேர்த்து முறியடித்த 'குண்டூர் காரம்' டிரைலர்

09 ஜன, 2024 - 11:45 IST

எழுத்தின் அளவு:

தென்னிந்திய மொழிப் படங்களில் எந்த மொழி நடிகரின் டீசர், டிரைலர் புதுப் புது சாதனைகளைப் படைக்கிறது என்பதில் தமிழ், தெலுங்கு நடிகர்களுக்கு இடையில்தான் அதிக போட்டி நிலவுகிறது.

கடந்த 2023ம் வருடத்தில் வெளியான தமிழ்ப் படங்களில் விஜய்யின் 'வாரிசு, லியோ', டிரைலர்களும், அஜித்தின் 'துணிவு' டிரைலர்களும் 24 மணி நேரத்தில் 20 மில்லியன் பார்வைகளைப் பெற்று சாதனை படைத்தன. 'லியோ' டிரைலர் முந்தைய அதிக பட்ச சாதனைகளை முறியடித்து 24 மணி நேரத்தில் 31.9 மில்லியன் பார்வைகளைப் பெற்றது. அதாவது 3 கோடியே 19 லட்சம் பார்வைகளை.

அந்த சாதனையை பிரபாஸ் நடித்து வெளிவந்த 'சலார்' டிரைலர் 3 கோடியே 25 லட்சம் பார்வைகளைப் பெற்று முறியடித்தது. இந்நிலையில் நேற்று முன்தினம் வெளியான மகேஷ் பாபு நடித்துள்ள தெலுங்குப் படமான 'குண்டூர் காரம்' டிரைலர் 24 மணி நேரத்தில் 39 மில்லியன், அதாவது 3 கோடியே 90 லட்சம் பார்வைகளைப் பெற்று புதிய சாதனையைப் படைத்துள்ளது என தயாரிப்பு நிறுவனம் மகிழ்ச்சியுடன் அறிவித்துள்ளது. தென்னிந்திய அளவில் 24 மணி நேரத்தில் அதிகப் பார்வைகளை என குறிப்பிட்டுள்ளார்கள். தற்போது 40 மில்லியன் பார்வைகளை இந்த டிரைலர் கடந்துள்ளது..

'குண்டூர் காரம்' டிரைலர் குறித்து ரசிகர்களிடம் சில அதிருப்திகள் இருந்தாலும் அதன் பார்வை இந்த அளவிற்கு கிடைத்தது ஆச்சரியப்பட வைத்துள்ளது. இத்தனைக்கும் படத்தை பான் இந்தியா படமாக மற்ற மொழிகளிலும் டப்பிங் செய்து வெளியிடாமல் தெலுங்கில் மட்டுமே வெளியிடுகிறார்கள் என்பது குறிப்பிடத்தக்கது.

தெலுங்கில் பிரபாஸை விடவும் அதிக ரசிகர்களை வைத்துள்ளவர் மகேஷ்பாபு தான் என அவரது ரசிகர்கள் கமெண்ட் செய்து வருகிறார்கள்.

GunturKaaram

GunturKaaramtrailer

Maheshbabu

கருத்துகள் (0) கருத்தைப் பதிவு செய்ய

தெலுங்கில் தமிழ்ப் படங்களுக்கு ...

மீண்டும் ரவுண்ட் வரும் விஜய் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய