Dinamalar

டாடாவை பாராட்டிய நானா ; மகிழ்ச்சியில் கவின்

கடந்த வருட துவக்கத்தில் பிக்பாஸ் புகழ் கவின் நடிப்பில் அறிமுக இயக்குனர் கணேஷ் பாபு இயக்கத்தில் வெளியான படம் டாடா. தந்தை மகன் பாசத்தை வைத்து ஒரு பீல் குட் படமாக உருவாகியிருந்த இந்த படத்திற்கு விமர்சன ரீதியாகவும் வசூல் ரீதியாகவும் மிகப்பெரிய வரவேற்பு கிடைத்தது. அது மட்டுமல்ல நடிகர் கவினுக்கு அவரது திரையுலக பயணத்தில் ஒரு திருப்புமுனையாகவும் அமைந்தது.

இந்த நிலையில் சமீபத்தில் தெலுங்கில் நடிகர் நானி நடிப்பில் ஹாய் நானா என்கிற படம் வெளியானது. தந்தைக்கும் மகளுக்கும் இடையேயான பாசத்தை மையப்படுத்தி உருவாகியிருந்த இந்த படமும் கிட்டத்தட்ட டாடா படத்தைப் போன்று இருப்பதாக பலரும் கூறினர்.

இதைக்கேட்ட நானி உடனடியாக டாடா படத்தை பார்த்துள்ளார். படத்தை பார்த்து ரொம்பவே ரசித்த நானி தனது நண்பர்கள் வட்டாரத்தில் இந்த படத்தை அனைவரும் பார்க்குமாறு சிபாரிசும் செய்துள்ளார். மேலும் சமீபத்திய புரமோஷன் நிகழ்ச்சி ஒன்றில் இந்த படம் குறித்தும் கவின் நடிப்பு குறித்தும் பாராட்டியும் பேசியுள்ளார் நானி. இந்த வீடியோ சோசியல் மீடியாவில் வைரலானது.
இதைத் தொடர்ந்து நடிகர் கவின் கூறும்போது, “நான் மனப்பூர்வமாக யாருடைய நடிப்பை பார்த்து வியந்தேனோ அவராலேயே நான் கவனிக்கப்பட்டு இருக்கிறேன் என்பதை நினைக்கும்போது மகிழ்ச்சியாக இருக்கிறது. ரொம்ப நன்றி நானி சார்” என்று கூறியுள்ளார்.

• செய்திகள்
• ஆல்பம்
• வந்த படங்கள்

• செய்திகள்
• வந்த படங்கள்

• 
  இரண்டே நாட்களில் 100 கோடி கடந்த 'சிக்கந்தர்'
• 
  இளம் பெண் பலாத்காரம்: பாலிவுட் இயக்குனர் கைது
• 
  ஏர்போர்ட்டில் தடையின்றி செல்ல தந்தையின் சலுகைகளை ரன்யா ராவ் ...
• 
  சிக்கந்தர் - மோசமில்லாத முதல் நாள் வசூல்
• 
  ஷங்கர் அடுத்து 'அவுட்டேட்டட்' பட்டியலில் இணைந்த ஏஆர் முருகதாஸ்

• 
  சினிமா துறை நாறிப் போய் உள்ளது : சனம் ஷெட்டி கோபம்
• 
  பேட் மேன் பட நடிகர் வால் கில்மர் காலமானார்
• 
  குட் பேட் அக்லி படத்தின் ரன்னிங் டைம் வெளியானது
• 
  29 வயதா.... நம்பமுடியவில்லை என்கிறார் ராஷ்மிகா
• 
  ஹிப் ஹாப் ஆதியின் படத்தை இயக்கும் ஜோ இயக்குனர்