Dinamalar

சென்டிமென்டாக டைட்டில் தேடிப்பிடிக்கும் கவின்

கடந்த சில மாதங்களுக்கு முன்பு வெளியான டாடா திரைப்படம் ஒரு பீல் குட் படமாக ரசிகர்களை கவர்ந்தது. அதைத்தொடர்ந்து அந்த படத்தில் நாயகனாக நடித்த பிக்பாஸ் புகழ் கவினுக்கு தற்போது பட வாய்ப்புகள் அதிக அளவில் தேடி வருகின்றன. அந்த வகையில் நடன இயக்குனரும் நடிகருமான சதீஷ் முதன்முறையாக டைரக்சனில் அடி எடுத்து வைக்கும் படத்தில் கதாநாயகனாக கவின் நடித்து வருகிறார். இந்த நிலையில் இந்த படத்திற்கு ‛கிஸ்' என டைட்டில் வைக்கப்பட்டுள்ளதாக ஒரு தகவல் வெளியாகியுள்ளது.

கவினுக்கு இதற்கு முன்பு அவர் நடிப்பில் வெளியான லிப்ட் மற்றும் டாடா ஆகிய படத்தின் டைட்டில்கள் நான்கு ஆங்கில எழுத்துக்களை கொண்டிருந்தன. அந்த படங்களின் வெற்றியைத் தொடர்ந்து அதேபோல நான்கு எழுத்துக்களில் டைட்டில் வருமாறும் அதேசமயம் கதைக்கும் பொருந்துமாறும் இந்த கிஸ் என்கிற டைட்டிலை தேர்வு செய்துள்ளதாக சொல்லப்படுகிறது.

சில மாதங்களுக்கு முன்பாகவே இந்த படத்திற்கு பொருத்தமான டைட்டிலை படக்குழுவினர் முடிவு செய்தபோது, ஏற்கனவே இயக்குனர் மிஷ்கின் அந்த டைட்டிலை பதிவு செய்து வைத்திருந்தாராம். இதை கேள்விப்பட்டதும் படக்குழுவினர் கேட்டுக்கொண்டதன் பேரில் அந்தக் கதைக்கு பொருத்தமான டைட்டிலாக இருக்கும் என்பதால் பெருந்தன்மையுடன் விட்டுக் கொடுத்தார் என்றும் சொல்லப்பட்டது. அது இந்த டைட்டில் தானா என்பது தெரியவில்லை. விரைவில் இந்த டைட்டில் குறித்து அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.

• செய்திகள்
• வந்த படங்கள்

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  தெலுங்கில் ரீரிலீசாகும் 'பையா' : மீண்டும் பார்க்க கார்த்தி ஆர்வம்
• 
  யு டியுப் சேனல்கள், சமூக வலைத்தளங்கள் இளையராஜா புகைப்படங்களை பயன்படுத்த ...
• 
  கஞ்சா வழக்கு : சிம்பு பட தயாரிப்பாளர் கைது
• 
  ராஜமவுலியின் கடவுள் மறுப்புப் பேச்சு : அதிகரிக்கும் சர்ச்சை
• 
  கதை என்னவென்று தெரியாமல் தான் எம்புரான் பட சென்சார் பிரச்னையில் ...