தொடர் தோல்விகளால் தடுமாறும் நயன்தாரா

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

10 டிச, 2023 - 11:38 IST

எழுத்தின் அளவு:

தமிழ் சினிமாவில் நம்பர் 1 நடிகை, அதிக சம்பளம் வாங்கும் நடிகை என திரையுலகிலும் வெளியிலும் அழைக்கப்படுபவர் நயன்தாரா. இத்தனை வருடங்களாக கதாநாயகியாக மட்டுமே நடித்து நீடித்து வருவதெல்லாம் சாதாரண விஷயமல்ல. ஆனால், தனி கதாநாயகியாக நயன்தாராவால் குறிப்பிடத்தக்க வெற்றிகளைத் தர முடியவில்லை என்பதும் உண்மை.

“நீ எங்கே என் அன்பே, மாயா, டோரா, அறம், கோலமாவு கோகிலா, ஐரா, கொலையுதிர் காலம், நெற்றிக்கண், ஓ 2, கனெக்ட், அன்னபூரணி” ஆகிய படங்களில் தனி கதாநாயகியாக நடித்திருக்கிறார் நயன்தாரா. இதில் 'கோலமாவு கோகிலா' படத்திற்குப் பிறகு அவர் நடித்து தியேட்டர்களிலும், ஓடிடி தளங்களிலும் வெளியான படங்கள் வரவேற்பைப் பெறவில்லை.

சரியான கதைகளைத் தேர்வு செய்யாத காரணத்தால் அவரால் தனித்து வெற்றி பெற முடியவில்லை. 'பிகில்' படத்திற்குப் பிறகு ரஜினியுடன் சேர்ந்து நடித்த 'தர்பார், அண்ணாத்த' மற்றும் இந்த வருடம் வெளிவந்த 'இறைவன்' ஆகிய படங்கள் கூட தோல்விப் படங்களாகவே அமைந்தது. இடையில் 'மூக்குத்தி அம்மன்' படம் ஓடிடி தளத்தில் வெளியாகி வரவேற்பைப் பெற்றது. 'காத்து வாக்குல ரெண்டு காதல்' படம் சுமாராக ஓடியது. அதே சமயம் அவர் ஹிந்தியில் அறிமுகமான 'ஜவான்' படம் ஆயிரம் கோடி வசூல் படமாக அமைந்தது.

கதையிலும், கதாபாத்திரங்களிலும் இன்னும் அதிக கவனம் செலுத்தினால் மட்டுமே இந்த தொடர் தோல்விகளிலிருந்து அவர் தப்பிக்க முடியும்.

Nayanthara

Failure

நயன்தாரா

தோல்வி படங்கள்

கருத்துகள் (0) கருத்தைப் பதிவு செய்ய

ராஷ்மிகாவால் 'புஷ்பா 2'க்கு கூடும் ...

கே.எஸ் ரவிக்குமார் ஒரு கோழை ; ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய