Dinamalar

2002 தீபாவளி - 'பகவதி'யை வென்ற 'வில்லன்'

தமிழ் சினிமாவில் இன்றைய முன்னணி நடிகர்களாக இருக்கும் விஜய், அஜித் இருவரும் 90களின் கடைசியில்தான் ஆக்ஷன் ஹீரோக்களாக மாறினார்கள். 2000 வருடத்திற்குப் பிறகு அவர்கள் முழுமையான ஆக்ஷன் படங்களில் நடிப்பதில்தான் அதிக கவனம் செலுத்தினார்கள்.

1992ல் வெளியான 'நாளைய தீர்ப்பு' படம் முதல் 2002ல் வெளிவந்த 'யூத்' படம் வரையிலும் விஜய் ஒரு காதல் நாயகனாக மட்டுமே குறிப்பிடத்தக்க வெற்றிகளைத் தந்தார். இடையில் ஒரு சில படங்களில் அவர் ஆக்ஷன் ஹீரோவாக நடித்தாலும் அவையெல்லாம் பெரிதாக ஈர்க்கவில்லை. விஜய் ஒரு முழுமையான ஆக்ஷன் ஹீரோவாக நடித்து அந்தப் படத்திற்கு வரவேற்பும் கிடைத்தது என்றால் 2002 நவம்பர் 4ம் தேதி தீபாவளியன்று வெளியான 'பகவதி' படத்தைத்தான் சொல்ல வேண்டும். ஏ.வெங்கடேஷ் இயக்கத்தில் தேவா இசையில் வெளிவந்த அந்தப் படம் 100 நாட்களைக் கடந்து ஓடியது.

இருப்பினும் அதே தினத்தில் அஜித் நடித்து வெளிவந்த 'வில்லன்' படம் 'பகவதி' படத்தை விடவும் பெரிய வெற்றியைப் பெற்றது. கேஎஸ் ரவிக்குமாரின் இயக்கம், அஜித்தின் இரண்டு வேட நடிப்பு, நகைச்சுவை, பரபரப்பான திரைக்கதை என அந்தப் படம் ரசிகர்களை அதிகம் ஈர்த்தது. 2001ல் வெளிவந்த 'தீனா' படத்திலேயே முழுமையான ஆக்ஷன் ஹீரோவாக நடித்து 'தல' என அந்தப் படத்திலிருந்து பேசப்பட்ட அஜித்துக்கு 'வில்லன்' படத்தின் வெற்றி மிகப் பெரிய திருப்புமுனையைத் தந்தது.

இன்றைய நவம்பர் 4ம் தேதியில் இதற்கு முன்பு வெளிவந்த படங்களில் 1983ல் ரஜினிகாந்த் நடித்து வெளிவந்த 'தங்கமகன்', டி ராஜேந்தர் இயக்கத்தில் வெளிவந்த 'தங்கைக்கோர் கீதம் (1983)', சிவாஜி கணேசன், பிரபு நடித்த 'வெள்ளை ரோஜா (1983)', கமல்ஹாசன் நடித்த 'தூங்காதே தம்பி தூங்காதே (1984)', விஜயகாந்த் நடித்த 'ரமணா(2002), சிம்பு கதாநாயகனாக அறிமுகமான 'காதல் அழிவதில்லை (2002), இயக்குனர் சேரன் கதாநாயகனாக அறிமுகமான 'சொல்ல மறந்த கதை (2002), ரஜினிகாந்த் நடித்த 'அண்ணாத்தே (2021), கடந்த வருடம் 2022ல் வெளிவந்த 'லவ் டுடே' ஆகிய படங்களைக் குறிப்பிட்டுச் சொல்ல வேண்டும்.

• 
  பாலியல் குற்றச்சாட்டுக்கு ஆளான ஒளிப்பதிவாளர் குறித்து தயாரிப்பாளர் ...
• 
  ஹாலிவுட் படத்தில் நடிக்கும் திஷா பதானி
• 
  மோகன்லால், மம்முட்டி படத்தை முடித்துவிட்டு சல்மான் கானை இயக்க தயாராகும் ...
• 
  தீபிகாவுக்கு ஆதரவாகப் பேசினாரா அஜய் தேவ்கன்?
• 
  அயோத்தியில் நான்காவது 'மனை' வாங்கிய அமிதாப்பச்சன்

• 
  தக்லைப் படத்தின் 'விண்வெளி நாயகா' பாடலின் லிரிக்கல் வீடியோ வெளியானது!
• 
  நான் சந்தோஷத்தை வெளியில் தேடியது கிடையாது! - 'குபேரா' பட விழாவில் தனுஷ் ...
• 
  தோழிகள் படைசூழ தாய்லாந்து நாட்டிற்கு டூர் சென்ற கவுரி கிஷன்!
• 
  அந்தமான் செல்லும் சாய் தன்சிகா: ஏன் தெரியுமா?
• 
  பட விழாவுக்கு வரமுடியாததால் வீடியோகாலில் பேசிய யோகிபாபு