Dinamalar

‛தங்க மகனின் எழுச்சி' - விக்ரமின் ‛தங்கலான்' டீசர் வெளியீடு

பொன்னியின் செல்வன் படங்களின் வெற்றிக்கு பிறகு விக்ரம் நடிப்பில் வெளியாக உள்ள படம் ‛தங்கலான்'. பா.ரஞ்சித் இயக்கி உள்ள இதில் மாளவிகா மோகனன், பார்வதி, பசுபதி உள்ளிட்டோர் முதன்மை வேடத்தில் நடித்துள்ளனர். ஜிவி பிரகாஷ் இசையமைத்துள்ளார். படத்தின் டீசரை இன்று(நவ., 1) காலை 11:30 மணியளவில் வெளியிட்டனர்.

1:32 நிமிடங்கள் ஓடும் இந்த டீசரில் வசனங்களே இல்லை. முழுக்க முழுக்க சரித்திர பின்னணியில் இருப்பது போன்று உள்ளது. விக்ரம், மாளவிகா உள்ளிட்ட ஒவ்வொருவரின் தோற்றமும் வித்தியாசமாக உள்ளது. சண்டைக்காட்சிகள், கைகளாலேயே பாம்பை இரண்டாக விக்ரம் பியித்து எறியும் காட்சி, விக்ரமின் உடலில் சாரல் போன்று பீறிட்டு அடிக்கும் ரத்தம் போன்ற காட்சிகள் டீசரில் இடம் பெற்றுள்ளன. டீசரின் இறுதியில் தரை முழுக்க படர்ந்து இருக்கும் தங்கம் படம் மீதான எதிர்பார்ப்பை ஏற்படுத்தி உள்ளது. அதோடு டீசரின் முடிவில் ‛தங்க மகனின் எழுச்சி' என குறிப்பிட்டுள்ளனர்.

கோலார் தங்க வயல் பின்னணியில் வாழ்ந்த தமிழர்களின் வாழ்வியல் பின்னணியில் இந்த படம் உருவாகி உள்ளதாக கூறப்பட்டது. தற்போது டீசரும் தங்கத்தை பின்னணியாக வைத்து நடக்கும் கதைக்களத்தை பிரதிபலிப்பதால் அந்த கதையாக இருக்கலாம் என தெரிகிறது. வரும் ஜன., 26ல் படம் தமிழ், தெலுங்கு, மலையாளம், கன்னடம் ஹிந்தி ஆகிய 5 மொழிகளில் ரிலீஸாகிறது.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  பான் இந்தியா ஹீரோயின் ஆக மாறும் ருக்மணி வசந்த்
• 
  விஜய் மீண்டும் நடிக்க வருவார் : அனலி ஹீரோயின் ஆருடம்
• 
  பிளாஷ்பேக்: படப்பிடிப்பு முடியும் முன்பே பலியான “பத்ரகாளி” பட நாயகி ராணி ...
• 
  அண்ணனின் திருமண நாளிலேயே தனது திருமணத்திற்கு தேதி குறித்த அல்லு சிரிஷ்
• 
  புறநானூறு படத்திலிருந்து சூர்யா விலகியது ஏன்? : சுதா கொங்கரா பதில்