Dinamalar

தமன்னாவுடன் நடனம் ஆடப்போகிறீர்களா? - எச்சரித்த திலீப்பின் மகள்

நடிகை தமன்னா முதன்முறையாக மலையாள திரையுலகில் திலீப் கதாநாயகனாக நடிக்கும் பாந்த்ரா என்கிற படத்தின் மூலம் அடி எடுத்து வைத்துள்ளார். ஏற்கனவே திலீப்பிற்கு ராம்லீலா என்கிற மிகப்பெரிய ப்ளாக் பஸ்டர் ஹிட் கொடுத்த இயக்குனர் அருண்கோபி இந்த படத்தை இயக்கியுள்ளார். இந்த படம் வரும் நவம்பர் 3ம் தேதி திரையரங்குகளில் வெளியாக இருக்கிறது. இதனை தொடர்ந்து இந்த படத்தின் இசை வெளியீட்டு விழா சமீபத்தில் நடைபெற்றது.

இந்த விழாவில் நடிகர் திலீப் பேசும்போது, “தமன்னாவுடன் இந்த படத்தில் எனக்கு ஒரு பாடல் காட்சி இருந்தது. அதுகுறித்து எனது மகள் மீனாட்சியிடம் கூறியபோது தமன்னாவுடன் நடனம் ஆடப்போகிறீர்களா? தயவு செய்து அவருடன் அருகில் இணைந்து நின்று ஆட வேண்டாம். அவரிடமிருந்து கொஞ்சம் தூரமாக தள்ளி நின்று அவரை பார்த்துக்கொண்டே வாயசைத்து பாடுவது போல நடித்து விடுங்கள். நடனம் ஆடும் ரிஸ்க் எல்லாம் எடுத்து உங்களை டேமேஜ் பண்ணிக் கொள்ள வேண்டாம் என்று கூறி தமன்னா பற்றி பயம் காட்டினார்.

அதற்கு காரணம் சமீபத்தில் வெளியான தமான்னாவின் காவலா பாடலும் ஒரு காரணம். ஆனால் பாந்த்ரா படப்பிடிப்பில் என் மகள் இப்படி கூறினால் என தமன்னாவிடம் இதுபற்றி கூறியபோது அதை கேட்டுவிட்டு சிரித்த தமன்னா, எனக்கும் நடனம் அவ்வளவாக ஆடத் தெரியாது.. ஏதோ சொல்லிக் கொடுத்ததை செய்து வருகிறேன் என்று கூறியபோது தான் எனக்கும் அப்பாடா என நிம்மதியாக இருந்தது” என்று வேடிக்கையாக கூறினார் திலீப்.

• 
  ஷாருக்கான் மகளுக்கு அம்மாவாக நடிக்கும் தீபிகா படுகோன்
• 
  சன்னி தியோலை நேரில் சந்தித்த பிரபாஸ்: ‛ஜாட்' படத்திற்கு வாழ்த்து
• 
  பிரித்விராஜ்க்கு வருமான வரித்துறை நோட்டீஸ் ; எம்புரான் படம் காரணம் அல்ல
• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...
• 
  சினிமா ஆனது இந்தியாவின் முதல் மகாத்மாவின் வாழ்க்கை

• 
  அஸ்வத் மாரிமுத்துவிற்கு விண்ணப்பித்த 15 ஆயிரம் உதவி இயக்குனர்கள்!
• 
  கவுதம் ராம் கார்த்திக் 19வது படத்தின் படப்பிடிப்பு துவங்கியது!
• 
  ''இப்போ ரிஸ்க் எடுக்கலைனா.. எப்பவும் இல்ல'': சினிமா என்ட்ரி குறித்து ...
• 
  த்ரிவிக்ரம் இயக்கத்தில் தனுஷ்?
• 
  குட் பேட் அக்லி - முன்பதிவு நிலவரம் என்ன?