Dinamalar

“நீங்கதான் தலைவர்'' - ரஜினிக்கு அமிதாப்பச்சன் பதில்

ஞானவேல் இயக்கும் ரஜினியின் 170வது படத்தில் ஹிந்தி நடிகரான அமிதாப்பச்சனும் நடித்து வருகிறார். அதன் படப்பிடிப்பு தற்போது மும்பையில் நடந்து வருகிறது. அமிதாப்புடன் 33 ஆண்டுகளுக்குப் பிறகு நடிப்பது பற்றி, “எனது இதயம் மகிழ்ச்சியில் துடிக்கிறது,” நேற்று எக்ஸ் தளத்தில் ரஜினிகாந்த் பதிவிட்டிருந்தார்.

அதற்கு நேற்றிரவு பதிலளித்த அமிதாப்பச்சன், “ரஜினிகாந்த் சார்… எனக்கு நீங்கள் மிகவும் கருணை நிறைந்தவர், ஆனால், படத்தின் தலைப்பைப் பாருங்கள்... அது 'தலைவர் 170'. தலைவர் என்றால் லீடர், ஹெட், சீப். நீங்கள்தான் தலைவர், லீடர், சீப். அதில் ஏதாவது சந்தேகம் இருக்கிறதா மக்களே ?. என்னை உங்களுடன் ஒப்பிடாதீர்கள். உங்களுடன் மீண்டும் வேலை செய்வது எனக்குப் பெருமை,” என பதிவையும், பின்னர் ஒரு மணி நேரம் கழித்து, “மீண்டும் சிறந்த தலைவருடன்.. த லீடர், ஹெட், சீப் ரஜினிகாந்த்துடன் அவரது 170வது படத்தில். 33 ஆண்டுகளுக்குப் பிறகு… என்ன ஒரு மரியாதை, பெரிய பாக்கியம்… நீங்கள் இன்னும் துளி கூட மாறவில்லை. இன்னும் மிகச் சிறந்தவர்தான், தலைவர் 170,” என மற்றொரு பதிவையும் பதிவிட்டுள்ளார்.

அவரது இரு பதிவுளுக்கும் ரசிகர்கள் லைக்குகளை அள்ளிக் குவித்து வருகிறார்கள். பல சினிமா பிரபலங்களும் இருவரும் இணைந்து நடிப்பது குறித்து மகிழ்ச்சி தெரிவித்துள்ளார்கள்.

• 
  முதல் கடார் என் சினிமாவை மூடியது... இண்டாவது கடார் திறந்து வைத்தது : சன்னி ...
• 
  'ரெய்டு 2' படத்தில் சிறப்பு பாடலில் தமன்னா!
• 
  இரண்டே நாட்களில் 100 கோடி கடந்த 'சிக்கந்தர்'
• 
  இளம் பெண் பலாத்காரம்: பாலிவுட் இயக்குனர் கைது
• 
  ஏர்போர்ட்டில் தடையின்றி செல்ல தந்தையின் சலுகைகளை ரன்யா ராவ் ...

• 
  பாட்டு பாடி, பழைய நினைவுகளை பகிர்ந்து பாரதிராஜாவை தேற்றிய கங்கை அமரன்
• 
  பெண் குழந்தைக்கு தந்தையான ரெடின் கிங்ஸ்லி
• 
  துருவ நட்சத்திரம் : காத்திருக்கும் விக்ரம்
• 
  25 வயதில் மகன் இருக்கையில் தந்தையாக நடிக்க தயங்கும் ஹீரோக்கள் : சசிகுமார் ...
• 
  அருண் விஜய் படத்திற்கு பாடல் பாடிய தனுஷ்