Dinamalar

மூத்த இயக்குனருக்கு வாழ்த்து தெரிவித்த கமல்ஹாசன்

கமல்ஹாசனின் ஆஸ்தான இயக்குனர்களில் ஒருவர் சிங்கீதம் சீனிவாச ராவ். 1972ம் ஆண்டு வெளிவந்த 'நீதி - நிஜயதி' என்ற தெலுங்குப் படத்தின் மூலம் இயக்குனராக அறிமுகமானார். தொடர்ந்து தெலுங்கில் படங்களை இயக்கி வந்த அவரை தனது 100வது படமான 'ராஜ பார்வை' படத்தின் மூலம் தமிழுக்குக் கொண்டு வந்தார் கமல்ஹாசன்.

அதன்பின் கமல்ஹாசன் நடித்த “அபூர்வ சகோதரர்கள், மைக்கேல் மதனகாமராஜன், மகளிர் மட்டும், காதலா காதலா, மும்பை எக்ஸ்பிரஸ்,' ஆகிய படங்களை இயக்கினார். அப்படங்கள் தவிர பிரபு நடித்த 'சின்ன வாத்தியார்,' ஜோதிகா நடித்த 'லிட்டில் ஜான்' ஆகிய இரண்டு தமிழ்ப் படங்களை மட்டுமே இயக்கியுள்ளார்.

தெலுங்கு, தமிழ், கன்னடம், மலையாளம், ஹிந்தி என 50க்கும் மேற்பட்ட படங்களை இயக்கிய சிங்கீதம் சீனிவாச ராவ், 2013ல் வெளிவந்த 'வெல்கம் ஒபாமா' என்ற படத்தைக் கடைசியாக இயக்கினார். கடந்த 10 ஆண்டுகளாக ஓய்வில் இருக்கும் சிங்கீதம் சீனிவாச ராவ் இன்று தன்னுடைய 93வது பிறந்தநாளைக் கொண்டாடுகிறார்.

அவருக்கு நடிகர் கமல்ஹாசன், “மிக மூத்த இயக்குநராக இருக்கலாம், ஆனாலும் என் மனதில் துறுதுறுத்த இளைஞராகவே பதிந்திருப்பவர் திரு. சிங்கிதம் சீனிவாசராவ்காரு. அபூர்வ சகோதரர்கள், பேசும் படம், மைக்கேல் மதன காமராஜன் கால சந்தோஷத் தருணங்கள் எனக்குள் இப்போதும் குமிழியிடுகின்றன. மாயாபஜார் காலம் தொடங்கி, என் மும்பை எக்ஸ்பிரஸ்ஸில் தொடர்ந்து இன்னமும் உற்சாகத்தோடு வளையவரும் சீனிவாசராவ்-க்கு என் மனமகிழ்ந்த பிறந்தநாள் வாழ்த்தைத் தெரிவித்துக் கொள்கிறேன்,” என பிறந்தநாள் வாழ்த்தைத் தெரிவித்துள்ளார்.

• 
  ஏர் இந்தியா விமான சேவை மீது சிதார் இசைக் கலைஞர் ரவிசங்கரின் மகள் ...
• 
  தொடரும் பட ஹிந்தி ரீமேக்கில் அஜய் தேவகன் : இயக்குனர் தருண் மூர்த்தியின் ...
• 
  ‛பார்டர் 2'வில் தில்ஜித் தோசன்ஜ் முதல் பார்வை வெளியீடு
• 
  75 கோடி வசூல் கடந்த தனுஷின் 'தேரே இஷ்க் மெய்ன்'
• 
  காந்தாரா கிண்டல்: மன்னிப்பு கேட்ட ரன்வீர் சிங்

• 
  ஏவிஎம் சரவணன் மறைவு : அஜித், விஜய், விக்ரம் அஞ்சலி செலுத்தவில்லை
• 
  மரணத்தை வைத்து மீம்ஸ் போடுவதா? ஜான்வி கபூர் கடும் ஆதங்கம்!
• 
  ஏவிஎம் சரவணன் உடல் தகனம்
• 
  உங்கள் பெயர் சொல்லும் பிள்ளைகளில் நானும் ஒருவன் : சரவணனுக்கு கமல் புகழ் ...
• 
  இந்த வார ஓடிடி ரிலீஸ்: சிறிய படங்கள் தான்....ஆனா ஒவ்வொன்னும் செம'வொர்த்'..!