பிளாஷ்பேக் : சோக ராகங்கள் கூட சுக ராகங்களாக மாறும் எம்ஜிஆரின் பாடல்கள் | செப். 20ல் வேட்டையன் பட இசை வெளியீட்டு விழா | கார்த்தி 29வது படத்தை இயக்கும் டாணாக்காரன் பட இயக்குனர் | மீண்டும் இணைந்த செல்வராகவன் - ஜி.வி. பிரகாஷ் கூட்டணி! | மூக்குத்தி அம்மன் 2வை இயக்கும் சுந்தர் சி | ஜானி மாஸ்டரை கட்சியிலிருந்து நீக்கிய ஜனசேனா கட்சி | 'குட் பேட் அக்லி' படத்தில் விஜய்யின் வசனத்தை பேசி நடிக்கும் அஜித்! | அசோக்செல்வன் எப்படிப்பட்டவர்? உடைத்து பேசிய கீர்த்தி பாண்டியன்! | பாலிவுட்டில் வில்லனாக என்ட்ரி கொடுக்கும் சூர்யா? | 7 மாதங்களுக்குப் பிறகு ஓடிடியில் வெளியாகும் லால் சலாம்! |
ஹன்சிகா மோத்வானி நடித்துள்ள ஒரிஜினல் தமிழ் வெப் தொடர் 'மை3'. ஒரு கல் ஒரு கண்ணாடி, பாஸ் என்கிற பாஸ்கரன், சிவா மனசுல சக்தி படங்களை இயக்கிய ராஜேஷ் எம் இயக்கி உள்ளார். முகேன் ராவ், சாந்தனு ஆகியோர் முதன்மை பாத்திரத்தில் நடித்துள்ளனர். இவர்களுடன் ஜனனி, ஆஷ்னா ஜவேரி, அபிஷேக், சக்தி, சுப்பு பஞ்சு அருணாச்சலம் உள்ளிட்டவர்களும் நடித்துள்ளனர்.
ரொமான்டிக் காமெடியாக உருவாகியிருக்கும் இந்த தொடரின் கதை இதுதான்….
முகேன், ஒரு பணக்கார பிசினஸ்மேன். மனித தொடுதல் என்பது அவருக்கு ஒவ்வாமை. யாராவது அவரைத் தொட்டால் அவருக்கு அலர்ஜியாகிவிடும். இளம் விஞ்ஞானியாக வளர்ந்து வரும் சாந்தனுவால் உருவாக்கப்பட்ட, 'மை3' என்ற மனித உருவ ரோபோவை வாங்க ஆர்வமாக இருக்கிறார். ஆனால் உருவாக்கத்தின் போது ஏற்பட்ட சிக்கலில் செயலிழந்து போன 'மை3' ரோபோவிற்கு பதிலாக சாந்தனுவின் காதலி ஹன்சிகாவை ரோபோ என்று ஏமாற்றி முகன்ராவிடம் அனுப்புகிறார். முகேனை ஹன்சிகா சந்திக்கும் போது என்ன நடக்கிறது என்பதுதான் தொடரின் கதை.
கார்த்திக் முத்துக்குமார் ஒளிப்பதிவு செய்துள்ளார், கணேசன் இசையமைத்துள்ளார். டிஷ்னி ஹாட்ஸ்டார் தளத்தில் நாளை (15ம் தேதி) வெளியாகிறது.