Dinamalar

போட்டியில் முந்திச் செல்லும் ரஜினிகாந்த்

நெல்சன் இயக்கத்தில் ரஜினிகாந்த் நடிப்பில் நாளை மறுதினம் ஆகஸ்ட் 10ம் தேதி வெளியாக உள்ள திரைப்படம் 'ஜெயிலர்'. இந்த வாரத்தில் தெலுங்கில் சிரஞ்சீவி நடிக்கும் 'போலா சங்கர்', ஹிந்தியில் அக்ஷய்குமார் நடிக்கும் 'ஓஎம்ஜி 2', சன்னி தியோல் நடிக்கும் 'கடார் 2' ஆகிய படங்களும் வெளிவர உள்ளன. கடந்த சில தினங்களாக இப்படங்களுக்கான முன்பதிவு ஆன்லைன் தளங்கள் மூலம் நடந்து வருகிறது.

அதில் மற்ற படங்களைக் காட்டிலும் ரஜினியின் 'ஜெயிலர்' படம் பல மடங்கு வித்தியாசத்தில் முந்திச் சென்று கொண்டிருக்கிறது. முன்பதிவின் மூலம் மட்டுமே 10 கோடிக்கும் அதிகமாக இப்போதே வசூலித்துவிட்டதாம். அமெரிக்காவில் மட்டும் முன்பதிவு மூலமாக 6 லட்சம் டாலர் வசூலாகியுள்ளதாம். இது நாளைக்குள் அதிகமாக வாய்ப்புள்ளது என்கிறார்கள்.

ரஜினிகாந்த்துடன் வரும் சிரஞ்சீவி, அக்ஷய்குமார், சன்னி தியோல் ஆகியோரது படங்களுக்கு எதிர்பார்த்த அளவில் ஆன்லைன் தளங்களில் கூட முன்பதிவு நடைபெறவில்லை என பாக்ஸ் ஆபீஸ் வட்டாரங்கள் தெரிவிக்கின்றன. இளம் இயக்குனரான நெல்சனுடன் ரஜினிகாந்த் இணைந்திருப்பது ரசிகர்கள் மத்தியில் ஆர்வத்தைத் தூண்டியுள்ளது என்பதே இதற்குக் காரணம் என்றும் அவர்கள் சொல்கிறார்கள்.

• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி

• 
  ''அப்பா ஒரு குழந்தை; ஆதாரமற்ற வதந்திகளை பரப்பாதீர்கள்'' - ஏ.ஆர்.ரஹ்மான் ...
• 
  அழகுக்காக ஸ்ரீதேவி பட்ட சிரமம் : போனி கபூர் தகவல்
• 
  'வேவ்ஸ்' ஓ.டி.டி., தளம் : பிரசார் பாரதி துவக்கம்
• 
  நவ.26ம் தேதியில் விடுதலை-2 படத்தின் இசை வெளியீட்டு விழா
• 
  தெலுங்கில் அறிமுகமாகும் மமிதா பைஜூ