Dinamalar

தமிழில் 'அண்ணாத்த'யைக் காப்பாற்றாத 'தங்கை' கீர்த்தி சுரேஷ் : தெலுங்கு 'ஷங்கர்' ஐ காப்பாற்றுவாரா ?

தமிழ் சினிமாவில் மட்டுமல்ல மற்ற மொழி சினிமாக்களிலும் அண்ணன், தங்கை பாசப் படங்கள் என்றாலே பெண்களிடமும், குடும்பத்துடன் படம் பார்க்க வரும் ரசிகர்களையும் கவரும். பொதுவாக இந்த சென்டிமென்ட் அவ்வளவு சீக்கிரத்தில் தோற்காது. பல அண்ணன், தங்கை சென்டிமென்ட் படங்கள் வெற்றிப் படங்களாகவே அமைந்துள்ளன. அண்ணனாக நடிப்பவர்களும், தங்கையாக நடிப்பவர்களும் ரசிகர்களிடம் பெரும் வரவேற்பைப் பெறுவார்கள்.

ஆனால், ரஜினிகாந்த் நடித்தும் காப்பாற்ற முடியாத அண்ணன், தங்கை சென்டிமென்ட் படமாக 2021 தீபாவளிக்கு வெளிவந்த 'அண்ணாத்த' படம் இருந்தது. ரஜினியின் தங்கையாக கீர்த்தி சுரேஷ் நடித்திருந்தார். நயன்தாரா, மீனா, குஷ்பு, சூரி, பிரகாஷ்ராஜ், ஜெகபதி பாபு என பெரிய நட்சத்திரக் கூட்டம் இருந்ததால் எப்படியும் படம் ஓடிவிடும் என்று எதிர்பார்த்தவர்களுக்கு ஏமாற்றமே மிஞ்சியது.

அஜித், லட்சுமி மேனன் அண்ணன், தங்கையாக நடித்து 2015ல் தமிழில் வெளிவந்த 'வேதாளம்' படம் பெரிய வெற்றியைப் பெற்றது. அப்படத்தைத் தெலுங்கில் சிரஞ்சீவி, கீர்த்தி சுரேஷ் நடிக்க 'போலா ஷங்கர்' என்ற பெயரில் ரீமேக் செய்து ஆகஸ்ட் 11ல் வெளியிடுகிறார்கள். தமிழில் அஜித், லட்சுமி மேனன் இருவருக்குமே 'வேதாளம்' படம் நல்ல பெயரைப் பெற்றுத் தந்த படமாக அமைந்தது. அது போல தெலுங்கில் சிரஞ்சீவி, கீர்த்தி சுரேஷ் ஆகியோருக்குப் பெற்றுத் தருமா என்ற கேள்வியும் எழுந்துள்ளது.

தமிழ், தெலுங்கு என இரு மொழிகளிலும் பிரபலமானவர் கீர்த்தி சுரேஷ். தமிழில் 'தங்கை'யாக நடித்து தோல்வியுற்றவர், அந்த ராசியை தெலுங்கில் மாற்றுவாரா என தெலுங்கு ரசிகர்களும் ஆவலுடன் காத்திருக்கிறார்கள்.

• 
  யாருக்கோ... ஏதோ சொல்கிறார் தீபிகா படுகோனே…
• 
  2026 ஆஸ்கர் - இந்தியா சார்பில் தேர்வான 'ஹோம்பவுண்ட்'
• 
  ரூ.60 கோடி மோசடி : நடிகைகள் ஏக்தா கபூர், பிபாஷா பாசுவுக்கு சிக்கல்
• 
  பணம் தேவைப்பட்டது; கட்டாயத்தால் நடிக்க வந்தேன்: இயக்குனர் அனுராக் ...
• 
  திஷா பதானி வீட்டில் துப்பாக்கி சூடு நடத்தியவர்கள் என்கவுன்டரில் ...

• 
  இனி, நடிகர்கள் பற்றி அவதுாறாக பேசினால்..: நடிகர் சங்க பொதுக்குழுவில் ...
• 
  டிரைலரைப் பார்த்தால் 'மிஸ்டர் பாரத்' மாதிரிதான் இருக்கு?
• 
  'இட்லி கடை, ஓஜி, காந்தாரா 1' - அடுத்தடுத்து வெளியாகும் டிரைலர்கள்
• 
  ஆஸ்கர் தேர்வுக்கு ஒரு தமிழ்ப் படம் கூட இல்லையா ?
• 
  குஷி பார்ட் 2 உருவாகுமா? விஜய் மகன், ஜோதிகா மகள் நடிப்பார்களா?