Dinamalar

'தமன்னா எங்கப்பா' : டிரைலரைப் பார்த்து டென்ஷன் ஆன ரசிகர்கள்

நெல்சன் இயக்கத்தில், அனிருத் இசையமைப்பில், ரஜினிகாந்த் கதாநாயகனாக நடிக்கும் 'ஜெயிலர்' படத்தின் முதல் சிங்கிளாக வெளிவந்த பாடல் 'காவாலா'. நடிகை தமன்னாவின் அட்டகாசமான கிளாமர் நடனத்தால் அந்தப் பாடல் சூப்பர் ஹிட்டானது. அதில் ஓரிரு வினாடிகள் மட்டுமே வந்து போனார் ரஜினிகாந்த்.

பொதுவாக ரஜினிகாந்த் படம் என்றால் அவர் முழுமையாக இடம் பெறும் பாடல்தான் முதல் சிங்கிளாக வெளியாகும். ஆனால், 'ஜெயிலர்' படத்திற்கு அப்படி நடக்கவில்லை. அதனால், 'காவாலா' பாடல் வெளியான போது 'ரஜினி எங்கப்பா' என ரசிகர்கள் கேட்கும் அளவிற்கு அப்பாடல் இருந்தது. இப்போது அந்தப் பாடல் 100 மில்லியன் பார்வைகளைத் தொட்டுள்ளது.

இந்நிலையில் சில தினங்களுக்கு முன்பு 'ஜெயிலர்' படத்தின் டிரைலர் வெளியானது. அதில் எந்த ஒரு இடத்திலும் தமன்னா காட்டப்படவேயில்லை. 'காவாலா' பாடலின் ஒரு வரியும் கூட காணவில்லை. அதே சமயம், 'ஹுக்கும்' பாடல் வரிகள் மட்டும் பயன்படுத்தப்பட்டுள்ளது.

அதனால், ரசிகர்கள் தற்போது 'தமன்னா எங்கப்பா' என மீம்ஸ்களை தெறிக்கவிட்டுள்ளனர். அது மட்டுமல்ல மலையாள சினிமா ரசிகர்கள் 'மோகன்லால் எங்கப்பா' எனவும், கன்னட சினிமா ரசிகர்கள் 'சிவராஜ்குமார் எங்கப்பா' எனவும் கேட்டு வருகிறார்கள். அந்தக் கதாபாத்திரங்கள் சஸ்பென்ஸ் ஆனவை என்பதால்தான் டிரைலரில் இல்லை என்றும் சொல்கிறார்கள்.

• 
  நெப்போட்டிசம் பற்றி கிர்த்தி சனோன் பளீச்
• 
  சிங்கத்திற்கு குரல் கொடுக்கும் ஷாருக்கான்
• 
  ஹிந்தியில் ரீ-மேக் ஆகும் தெலுங்கு ‛பேபி'
• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்

• 
  12 ஆயிரம் தியேட்டர்களில் 'புஷ்பா 2' ரிலீஸ்
• 
  சீன உளவாளியாக எஸ்.ஜே.சூர்யா
• 
  சீனாவில் 'மகாராஜா' முதல் நாள் வசூல்
• 
  நிர்வாணமாக நடித்தது ஏன் : திவ்யா பிரபா விளக்கம்
• 
  பிளாஷ்பேக் : ஹீரோவாக நடித்த டெல்லி கணேஷ்