Dinamalar

துணை நடிகர் மரணம் : இறுதிச்சடங்கு செய்த இமான்

துணை நடிகர் பிரபு என்பவர் புற்றுநோயால் மரணம் அடைந்தார். அவரின் இறுதிச்சடங்கை இசையமைப்பாளர் இமான் செய்தார்.

தமிழில் தனுஷ் நடித்த ‛படிக்காதவன்' படத்தில் அவரது சகோதரியை மாப்பிள்ளை பார்க்க ‛விக்' வைத்து வரும் கேரக்டரில் நடித்தவர் பிரபு. இந்தப்படம் தவிர்த்து பல படங்களில் துணை நடிகராக நடித்துள்ளார். புற்றுநோயால் பாதிக்கப்பட்ட இவர், அதற்கான சிகிச்சை எடுத்து வந்தார். இவரது சிகிச்சைக்கு இசையமைப்பாளர் இமான் உள்ளிட்ட சிலர் உதவி வந்தனர். இந்நிலையில் நோயின் தாக்கம் தீவிரமானதால் மரணம் அடைந்தார்.

பிரபுவின் மறைவு செய்தி கேட்ட இசையமைப்பாளர் இமான், அவர் ஆதரவின்றி இருப்பதை உணர்ந்து பிரபுவிற்கு இமான் முன்னின்று அனைத்து இறுதிச்சடங்குகளையும் செய்ததோடு அவரே கொள்ளியும் வைத்தார். இதுதொடர்பான வீடியோ வைரலாகி வருகிறது. மேலும் இமானின் இந்த நெகிழ்ச்சி செயலை அனைவரும் பாராட்டி உள்ளர்.

பிரபு மறைவு பற்றி இமான் வெளியிட்ட பதிவில், ‛‛பிரபுவிற்கு நான்காம் நிலை புற்றுநோய். மருத்துவர்கள் தங்களது சிறப்பான சிகிச்சையை கொடுத்தும் அவரை காப்பாற்ற முடியவில்லை. அவரது ஆத்மா சாந்தி அடையட்டும்'' என குறிப்பிட்டுள்ளார்.

• 
  இரண்டே நாட்களில் 100 கோடி கடந்த 'சிக்கந்தர்'
• 
  இளம் பெண் பலாத்காரம்: பாலிவுட் இயக்குனர் கைது
• 
  ஏர்போர்ட்டில் தடையின்றி செல்ல தந்தையின் சலுகைகளை ரன்யா ராவ் ...
• 
  சிக்கந்தர் - மோசமில்லாத முதல் நாள் வசூல்
• 
  ஷங்கர் அடுத்து 'அவுட்டேட்டட்' பட்டியலில் இணைந்த ஏஆர் முருகதாஸ்

• 
  மாதவனின் டெஸ்ட் போட்டி ரசிகர்களை ஈர்க்குமா?
• 
  ஒரு வருடத்திற்குப் பிறகு ஓடிடியில் 'லால் சலாம்'
• 
  திரையரங்கை தொடர்ந்து ஓ.டி.டி.,க்கு வரும் பெருசு
• 
  குட் பேட் அக்லி முதல் காட்சி எப்போது? : சிறப்பு காட்சிக்கு அனுமதி உண்டா
• 
  சினிமா துறை நாறிப் போய் உள்ளது : சனம் ஷெட்டி கோபம்