Dinamalar

பீகாரில் ஆதரவற்ற மாணவர்களுக்கு பள்ளி கட்டிடம் கட்டித்தரும் சோனு சூட்

கடந்த 2020ல் கொரோனா முதல் அலை ஆரம்பித்த சமயத்தில் இருந்து கிட்டத்தட்ட இரண்டு வருடங்கள் வரை அதன் தாக்கத்தால் பாதிக்கப்பட்ட சாமானியர்கள் பலருக்கும் போக்குவரத்து, உணவு, கல்வி, மருத்துவம், விவசாயம் என வெவ்வேறு விதமான உதவிகளை வழங்கியவர் பாலிவுட் வில்லன் நடிகர் சோனு சூட். இதைத்தொடர்ந்து பொதுமக்கள் அவரை ரியல் ஹீரோவாகவே போற்றி புகழ ஆரம்பித்து விட்டனர். கொரோனா அலை ஓய்ந்த பின்னும் இப்போதும் கூட தொடர்ந்து பல்வேறு உதவிகளை செய்து வருகிறார். இந்த நிலையில் பீகாரில் உள்ள ஆதரவற்ற குழந்தைகள் படிப்பதற்காக மிகப்பெரிய அளவில் பள்ளி கட்டிடம் ஒன்றை கட்டித் தர முன்வந்துள்ளார் சோனு சூட்.

கடந்த பிப்ரவரி மாதம் பீகாரை சேர்ந்த 27 வயதான பைரேந்திர குமார் என்பவர் தான் பார்த்துவந்த முழுநேர பணியை உதறிவிட்டு வெளியே வந்து ஆதரவற்ற குழந்தைகளுக்காக ஒரு பள்ளியை துவங்கி அதற்கு நடிகர் சோனு சூட்டின் பெயரை சூட்டி நடத்தி வருகிறார். இந்த தகவலை கேள்விப்பட்டு ஆச்சரியப்பட்ட சோனு சூட் அவர் தற்காலிக கட்டடத்தில் நடத்தி வந்த அந்த பள்ளிக்கு வருகை தந்து அவரது சேவையை பாராட்டினார்.

பெற்றோர் இல்லாத ஆதரவற்ற கிட்டத்தட்ட 110 மாணவர்கள் தங்கி படிக்கும் விதமாக அவர் நடத்தி வரும் பள்ளிக்கு போதுமான கட்டட வசதி இல்லை என்பதை கவனித்த சோனு சூட் தற்போது இந்த பள்ளிக்கு மிகப்பெரிய கட்டிடம் கட்டித்தருவதற்காக அவருக்கு வாக்குறுதி அளித்துள்ளார். கல்வியை அதிக அளவில் ஏற்றுக்கொள்ள வைப்பது என்பது ஏழ்மைக்கு எதிராக போராடும் முக்கியமான வழிகளில் ஒன்றாகும் என இதுகுறித்து கூறியுள்ளார் நடிகர் சோனு சூட்.

• 
  தொடர் வெற்றி : அடுத்தடுத்து வெளியாகும் சசிகுமார் படங்கள்
• 
  கேன்ஸ் திரைப்பட விழாவில் 'மாண்புமிகு பறை'
• 
  கேரளாவில் தாய்மாமன் கலாசார உறவு இல்லை: ஸ்வாசிகாவின் கருத்துக்கு கடும் ...
• 
  என்னை பற்றி தவறாக பேசுகிறவர்களை கடவுள் பார்த்துக் கொள்வார் : யோகிபாபு
• 
  பாகிஸ்தான் சார்ந்த ஓடிடி 'கன்டென்ட்' - தடை விதித்த மத்திய அரசு

• 
  கலைஞர்களுக்காகவே உருவாக்கப்பட்ட 'குங்குனாலோ' செயலி
• 
  மும்பையில் அமீர்கானை சந்தித்த அல்லு அர்ஜுன்
• 
  அமீர்கானின் 'சிதாரே ஜமீன் பர்' ரிலீஸ் தேதி அறிவிப்பு
• 
  'ஆதிபுருஷ்' படத்தை குறை சொல்லவில்லை : சைப் அலி கான்
• 
  மீண்டும் பிரபாஸ் உடன் இணையும் தீபிகா படுகோன்