Dinamalar

டிரைலருக்கு வரவேற்பு : 'கழுவேத்தி மூர்க்கன்' அருள்நிதியைக் காப்பாற்றுவாரா ?

பாண்டிராஜ் இயக்கத்தில் வெளிவந்த 'வம்சம்' படத்தின் மூலம் கதாநாயகனாக அறிமுகமானவர் அருள்நிதி. அதற்குப் பிறகு கதையம்சம் உள்ள பத்துப் பதினைந்து படங்களில் அவர் நடித்திருந்தாலும் தமிழ் சினிமாவில் இன்னும் முக்கிய இடத்தைப் பிடிக்காமல் இருக்கிறார். அவர் தேர்வு செய்து நடிக்கும் கதாபாத்திரங்களும் மாறுபட்டதாக இருக்கும் என பெயர் பெற்றவர்.

கடந்த வருடம் அவர் நடித்து வெளிவந்த 'டி பிளாக், தேஜாவு, டைரி' ஆகியவை விமர்சன ரீதியாக ஓரளவிற்கு வரவேற்பைப் பெற்றாலும் வசூல் ரீதியாக பெரிய வசூலைக் கடக்கவில்லை. இந்த ஆண்டில் அவர் நடித்து வெளிவந்த 'திருவின் குரல்' படத்திலும் மாற்றுத்திறனாளி கதாபாத்திரத்தில் நடித்திருந்தார். அப்படம் வெற்றிப்படமாக அமையவில்லை.அப்படம் வெளிவந்த ஒரு மாதத்திலேயே அவர் நடித்துள்ள அடுத்த படமான 'கழுவேத்தி மூர்க்கன்' படம் இந்த வாரம் மே 26ம் தேதி வெளியாக உள்ளது.

மூன்று தினங்களுக்கு முன்பு இப்படத்தின் டிரைலர் யு டியுப் தளத்தில் வெளியானது. இரண்டு நாட்களிலேயே 50 லட்சம் பார்வைகளைக் கடந்து ரசிகர்களின் வரவேற்பைப் பெற்றுள்ளது. இதற்கு முன்பு அருள்நிதி நடித்து வெளிவந்த 'டி பிளாக்' படத்தின் டிரைலர் 50 லட்சம் பார்வைகளைக் கடந்தது. அதற்குப் பிறகு இப்படத்தின் டிரைலர்தான் அந்த அளவு பார்வைகளைக் கடந்துள்ளது.

ஜோதிகா நடித்த 'ராட்சசி' படத்தை இயக்கிய சை கௌதம் ராஜ் இயக்கியுள்ள இந்தப் படத்திற்கு இமான் இசையமைத்துள்ளார். துஷாரா விஜயன் கதாநாயகியாக நடித்துள்ளார். இந்த வாரம் வெளியாக உள்ள படங்களில் இந்தப் படம் எதிர்பார்ப்பை ஏற்படுத்தியுள்ளது. அருள்நிதி நடித்து வெளிவந்த 'மௌன குரு, டிமாண்டி காலனி' படங்களின் வரிசையில் இந்தப் படமும் சேருமா என்பது சில நாட்களில் தெரிந்துவிடும்.

• 
  மாதவனை பழிக்குப்பழி வாங்கி விட்டேன் : அஜய் தேவ்கன் பகிர்ந்த சுவாரஸ்ய ...
• 
  'மகாபாரதம்' தொடரில் கர்ணனாக நடித்த நடிகர் பங்கஜ் தீர் காலமானார்
• 
  ஹிந்தியில் ரீ-மேக் ஆகும் ‛சங்கராந்திகி வஸ்துனம்' : அக் ஷய் நடிக்க ...
• 
  'ஏஜென்ட் மிர்ச்சி' ; ஸ்ரீ லீலாவின் முதல் பாலிவுட் பட லுக் வெளியானது
• 
  ‛அங்கமாலி டைரீஸ்' பட இயக்குனரின் ஹிந்தி படத்திற்கு இசையமைக்கும் ஏ.ஆர் ...

• 
  காஜல் அகர்வாலுக்கு என்னாச்சு...
• 
  கென்யா ட்ரிப்பில் மொபைல் போனை பறிகொடுத்த பிரயாகா மார்ட்டின்
• 
  கமல், அஜித் பட அப்டேட்: தீபாவளி பரிசாக வருமா?
• 
  மகளிர் ஆணையத்தில் மனைவியுடன் நேரில் ஆஜரான மாதம்பட்டி ரங்கராஜ்
• 
  படப்பிடிப்புக்கு 5 நாட்களுக்கு முன்புதான் பைசன் படத்தின் ஸ்கிரிப்டை ...