Dinamalar

நிகில் படத்தில் ஐஸ்வர்யா, சானியா : டில்லியில் ஸ்பை டீசர் வெளியாகிறது

இந்திய சுதந்திரத்திற்காக ஆயுதம் ஏந்தி போராடிய நேதாஜி சுபாஷ் சந்திரபோசின் மரணம் குறித்த ரகசியங்களை அடிப்படையாக கொண்டு 'ஸ்பை' என்ற பெயரில் திரைப்படமாக தயாராகிறது. பிரபல பட தொகுப்பாளரான கேரி பி ஹெச் இப்படத்தின் மூலம் இயக்குனராக அறிமுகமாகிறார். இந்த திரைப்படத்தை ஈடி என்டர்டெய்ன்மெண்ட்ஸ் எனும் நிறுவனம் சார்பில் கே.ராஜசேகர் ரெட்டி தயாரிக்கிறார்.

இதில் நாயகனாக நிகில் நடிக்கிறார். நிகிலுக்கு ஜோடியாக ஐஸ்வர்யா மேனனும், இரண்டாவது நாயகியாக சானியா தாக்கூரும் நடிக்கிறார்கள். இவர்களுடன் ஆரியன் ராஜேஷ் சிறப்பு தோற்றத்தில் நடிக்கிறார். மேலும் அபிநவ் கோமடம், மகரந்த் தேஷ் பாண்டே, ஜிஷு செங் குப்தா, நித்தின் மேத்தா, ரவி வர்மா, கிருஷ்ண தேஜா, பிரிஷா சிங்,, சோனியா நரேஷ் உள்ளிட்ட பலர் நடிக்கிறார்கள். வம்சி பட்சிபுளுசு மற்றும் மார்க் டேவிட் ஒளிப்பதிவு செய்திருக்கும் இந்த திரைப்படத்திற்கு ஸ்ரீ சரண் பக்கலா மற்றும் விஷால் சந்திரசேகர் ஆகியோர் இணைந்து இசையமைத்திருக்கிறார்கள்.

இந்த படத்தின் டீசர் டில்லி கர்தவ்யா பாதையில் அமைந்திருக்கும் சுபாஷ் சந்திர போஸ் சிலை அருகே வருகிற 15ம் தேதி வெளியிடப்படுகிறது. ஆக்ஷன் கலந்த ஸ்பை த்ரில்லராக தயாராகி இருக்கும் இந்த திரைப்படத்தின் கதையை தயாரிப்பாளர் கே. ராஜசேகர் ரெட்டி எழுதி இருக்கிறார். மேலும் இந்த திரைப்படம் தமிழில் மட்டுமல்லாமல் தெலுங்கு, மலையாளம், கன்னடம், ஹிந்தி என ஐந்து இந்திய மொழிகளில் ஜூன் மாதம் 29 ஆம் தேதியன்று வெளியாகிறது. இந்த படத்தில் சுபாஷ் சந்திரபோசின் முழு வாழ்க்கையும் இடம்பெறவில்லை. அவர் இளைஞராக இருந்தபோது செய்த ஒரு சாதனை நிகழ்வை மையமாக வைத்து தயாராகிறது.

• 
  அமெரிக்காவில் ஜாக்கி சானுடன் ஹிருத்திக் ரோஷன் சந்திப்பு
• 
  மீண்டும் ரா ஏஜென்ட் கபீர் ரோலில் ஹிருத்திக் ரோஷன்
• 
  ஹிந்தி நடிகர் சதீஷ் ஷா காலமானார்
• 
  பவர்புல்லான சவுண்ட் ஸ்டோரி : விவேக் ஓபராய்
• 
  பாலிவுட் என்று அழைக்காதீர்கள் : ஜெயா பச்சன் காட்டம்

• 
  டிவி நிகழ்ச்சியில் சவுந்தர்யாவை நினைத்து கண் கலங்கிய ரம்யா கிருஷ்ணன்
• 
  மீண்டும் பாலகிருஷ்ணா ஜோடியாக நயன்தாரா நடிப்பது ஏன்
• 
  ‛டூரிஸ்ட் பேமிலி' இயக்குனருக்கு பிஎம்டபுள்யூ கார் பரிசு
• 
  மாதவன், கங்கனா படத்தின் தலைப்பு என்ன தெரியுமா?
• 
  என் துயரத்தை சிலர் கொண்டாடினர் : சமந்தா