Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

'நிலமெல்லாம் ரத்தம்' - ஆரம்பமானது தலைப்பு சர்ச்சை

21 மார், 2023 - 10:29 IST
எழுத்தின் அளவு:
Nilamellam-ratham-:-Title-controversy-starts

வெற்றிமாறன் இயக்கத்தில் அமீர் நடிக்க 'நிலமெல்லாம் ரத்தம்' என்ற இணையத் தொடர் ஒன்று உருவாகியுள்ளது. அது பற்றி சமீபத்திய நிகழ்வு ஒன்றிலும் அமீர் பேசியிருந்தார். இந்த இணையத் தொடர் பற்றிய அறிவிப்பு கடந்த வருடமே வெளிவந்தது. அப்போது எழாத தலைப்பு சர்ச்சை, இப்போது எழுந்துள்ளது.

எழுத்தாளர் பா ராகவன் 'நிலமெல்லாம் ரத்தம்' என்ற தலைப்பில் புத்தகம் ஒன்றை எழுதியுள்ளார். இஸ்ரேல் - பாலஸ்தீன பிரச்சினையை மையப்படுத்தி எழுதப்பட்ட புத்தகம் அது. அந்தத் தலைப்பை வெற்றிமாறன் எப்படி வைக்கலாம் என்ற சர்ச்சை கடந்த சில நாட்களாக எழுந்துள்ளது. பா ராகவனின் வாசகர்கள், நண்பர்கள் சிலர் அது பற்றிய பதிவுகளை சமூக வலைத்தளங்களில் பதிவிட்டு வருகிறார்கள்.

பா ராகவன் அவரது தனிப்பட்ட இணையதளத்தில், “இயக்குநர் வெற்றிமாறன், 'நிலமெல்லாம் ரத்தம்' என்ற பெயரில் ஒரு வெப் சீரிஸ் அல்லது படம் தயாரிப்பதாகவும் இயக்குநர் அமீர் அதில் நடிப்பதாகவும் ஒரு செய்தி வந்தது. நெடு நாள்களுக்கு முன்னரே இச்செய்தி வந்திருக்க வேண்டும். நான் கவனிக்கவில்லை. நேற்று தற்செயலாக கண்ணன் பிரபு என்ற வாசக நண்பர் இதனைச் சுட்டிக்காட்டி, உங்களுக்குத் தெரியுமா என்று கேட்டார். தெரியாது என்று பதில் சொன்னேன். பேஸ்புக்கில் இதனை ஒரு குறிப்பாக எழுதி வைத்தேன்.

இன்று புதிய எண் ஒன்றிலிருந்து அழைப்பு வந்திருந்தது. பிறகு அதே எண்ணில் இருந்து ஒரு குறுஞ்செய்தியும் வந்தது. தன் பெயர் பாலா என்றும் இயக்குநர் வெற்றிமாறனின் அசோசியேட் என்றும் சொல்லி, பேச வேண்டும் என்று கேட்டிருந்தார்.

அழைத்தேன்.

நிலமெல்லாம் ரத்தம் என்ற பெயரில் ஒரு புத்தகம் வந்திருப்பதே தங்களுக்குத் தெரியாது என்று சொன்னார். தாங்களே யோசித்து உருவாக்கிய தலைப்பு அது என்றார். இட்லி, தோசை என்கிற பொதுவான பெயர்களை யார் வேண்டுமானாலும் 'யோசித்து' வைக்கலாம். நிலமெல்லாம் ரத்தம் என்பதை அப்படிச் செய்ய முடியுமா?

இருப்பினும் பிரபல இயக்குநர். பெரிய படிப்பாளி என்பார்கள். ஆனால் சினிமாக்காரர்களுடன் மல்லுக்கட்டி எழுத்தாளன் வென்றதாகச் சரித்திரம் இல்லாத தேசம் இது. இரு துறை காப்பிரைட் மற்றும் ஒழுக்க நடைமுறைகளும் வேறு வேறு.

நல்லது, இதனை என் பதிப்பாளரிடம் சொல்லிவிடுங்கள் என்று சொல்லிவிட்டேன்.

உங்களுக்கு விருப்பமில்லை என்றால் தலைப்பை மாற்றிவிடுகிறோம் என்று பதில் சொல்லியிருக்கிறார்கள்.

அவர்கள் இதே தலைப்பைப் பயன்படுத்தினாலும் சரி; வேறு தலைப்பு மாற்றினாலும் சரி. என்னையோ, என் பதிப்பாளரையோ அது பாதிக்கப் போவதில்லை. தவிர, இந்த அற்பச் சுள்ளியைக் கொளுத்திக் குளிர் காயும் விருப்பமோ அவசியமோ எனக்கில்லை.

அறிவுஜீவியாக அறியப்படுவோராயினும் தமிழ் சினிமாக்காரர்கள் என்றால் எப்படிப்பட்டவர்கள் என்பதற்கு இன்னுமொரு சாட்சி. அவ்வளவுதான்,” என்று எழுதியுள்ளார்.

வெற்றிமாறன் இணையத் தொடரின் தலைப்பை மாற்றுவாரா அல்லது அதையே பயன்படுத்துவாரா என்பது விரைவில் தெரிய வரும்.

Advertisement
கருத்துகள் (7) கருத்தைப் பதிவு செய்ய
சென்னையில் மூன்று நாட்கள் இஸ்ரேலிய திரைப்பட விழாசென்னையில் மூன்று நாட்கள் இஸ்ரேலிய ... இத்தாலிக்கு கமல் திடீர் பயணம் ஏன்? இத்தாலிக்கு கமல் திடீர் பயணம் ஏன்?

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து (7)

R Ravikumar - chennai ,இந்தியா
22 மார், 2023 - 11:28 Report Abuse
R Ravikumar பா ராகவன் எழுதிய "நிலமெல்லாம் ரத்தம் " என்ற புத்தகம் படித்து இருக்கிறேன். அந்த தலைப்பை வைப்பது வெற்றிமாறனுக்கு அருகதை இல்லை. வைத்தால் அவரை விட கேவலமான ஒருவர் இருக்க முடியாது. "இட்லி சட்னி என்பதயெல்லாம் ஒரு பொது உணவு பொருள். ஆனால் இந்த புத்தகம் ஒரு படைப்பு. வித்தியாசம் சின்ன குழந்தைக்கு கூட தெரியும் .
Rate this:
nizamudin - trichy,இந்தியா
22 மார், 2023 - 09:30 Report Abuse
nizamudin ஒரு அமைதியான ரத்தம் சிந்தாமல் அடி தடி இல்லாமல் வன்முறை இல்லாமல் தேச பற்று நிறைந்த நல்ல படத்தை எப்போது தருவார் வெற்றி மாறன் ? இவர் படங்கள் பார்ப்பதற்கு பயமாக இருக்கிறது
Rate this:
22 மார், 2023 - 06:08 Report Abuse
ராஜா உண்மை தான்... கட்டுமர காலத்தில் தமிழ்நாட்டில் நடந்த சாதி கலவரங்களில் இரத்த ஆறு உண்மையில் ஓடியது.
Rate this:
ulagai azhikkum madhathinare - ram nad,இந்தியா
21 மார், 2023 - 15:55 Report Abuse
ulagai azhikkum madhathinare திருடி பிழைப்பதும் , இலவசமாக பெற்று பிழைப்பதும் சினிமாக்காரர்களுக்கு புதுசா என்ன?
Rate this:
ulagai azhikkum madhathinare - ram nad,இந்தியா
21 மார், 2023 - 19:39Report Abuse
ulagai azhikkum madhathinareசுயபுத்தி இல்லாதவர்களின் செயல் இப்படித்தான் இருக்கும்...
Rate this:
SANKAR IYER - mumbai,இந்தியா
21 மார், 2023 - 14:48 Report Abuse
SANKAR IYER வேண்டுமென்றால் ரத்த பூமி என்று வைக்கலாம்
Rate this:
Vaduvooraan - Chennai ,இந்தியா
22 மார், 2023 - 06:29Report Abuse
Vaduvooraan நீங்க வேற... உங்க பெயரை பார்த்தவுடன் தமிழ் சினிமா உலகமே கொதித்து எழும்- ரத்தம் பூமி இரண்டுமே வேற்று மொளிச் சொற்களென்று குருதி நிலம் என்று சொல்லி இருந்தால் பிரச்சினை இருக்காது...
Rate this:

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Na Na
    • நா நா
    • நடிகர் : சசிகுமார் ,
    • இயக்குனர் :NV நிர்மல்குமார்
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Yang Mang Chang
    • எங் மங் சங்
    • நடிகர் : பிரபுதேவா
    • நடிகை : லட்சுமி மேனன்
    • இயக்குனர் :எம்எஸ் அர்ஜூன்
    dinamalar-advertisement-tariff

    Tweets @dinamalarcinema

    Advertisement
    Copyright © 2024 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in