Dinamalar

ஆங்கிலம், பிரெஞ்சு படங்களில் வரலட்சுமி நடிப்பார் : சரத்குமார்

கன்னட இயக்குனர் தயாள் பத்மநாபன் இயக்கத்தில் வரலட்சுமி நடித்துள்ள படம் 'கொன்றால் பாவம்'. அவருடன் சந்தோஷ் பிரதாப், சார்லி, சென்றாயன் உள்ளிட்ட பலர் நடித்துள்னர். இந்த படம் வருகிற 10ம் தேதி வெளிவருகிறது.

படத்தின் அறிமுக நிகழ்ச்சிக்கு சிறப்பு விருந்தினராக வந்திருந்த வரலட்சுமியின் தந்தையும், நடிகருமான சரத்குமார் பேசியதாவது: 'கொன்றால் பாவம்' படத்தலைப்பே வித்தியாசமானது. மனதை ஈர்க்கக்கூடிய படமாக அமையும் என்பதில் சந்தேகமில்லை. இந்த படத்திற்கு நான் வரவேண்டும் என வரலட்சுமி கூப்பிட்டார். 14 நாட்களில் இந்த படத்தை இயக்குநர் அற்புதமாக முடித்துள்ளார். எடிட்டர் ப்ரீத்தி இந்த படம் அற்புதமாக வந்துள்ளது என்று கூறியுள்ளார். ஒரு எடிட்டர் சொல்லிவிட்டால் அதில் மாற்று கருத்து இருக்க முடியாது.

வரலட்சுமி படித்து முடித்துவிட்டு நடிக்க வேண்டுமா என்று யோசித்தேன். ஒரு படம் நடிக்கிறேன் என்று கேட்டார். அதற்குப் பிறகு அவர் இந்த அளவுக்கு வளர்ந்து நிற்பது எல்லாமே அவருடைய சொந்த முயற்சியில்தான். நிறைய மொழிகள் கற்று வைத்துள்ளார். விரைவிலே ஆங்கிலம், பிரெஞ்சு படங்களில் நடித்தால் கூட ஆச்சரியம் இல்லை. என்றார்.

நிகழ்ச்சியில் வரலட்சுமி பேசியதாவது: கொன்றால் பாவம் உண்மையிலேயே எனக்கு மிகவும் பிடித்த படம். நீண்ட நாட்கள் கழித்து ஒரு கதாநாயகிக்கு முழு நீளமாக நடிக்க வாய்ப்புள்ள ஒரு படம் என்று சொல்வேன். நாம் நிறைய படங்களில் நடிப்போம். ஆனால் திருப்தி என்பது சில படங்களில் தான் கிடைக்கும். அப்படியான ஒரு நிறைவு இந்த படத்தில் எனக்கு கிடைத்தது.

சின்ன படம் பெரிய படம் என்பதை எல்லாம் தாண்டி கதைக்காக இந்த படம் வெற்றியடைய வேண்டும் என விரும்புகிறேன். அப்பாவுக்கும் நன்றி. நான் சினிமாவில் வந்தபோது அவர் எனக்கு பின்புலமாக இருந்தார். ஆனால் உண்மையிலேயே எந்த பின்புலமும் இல்லாமல் அவர் இந்த உயரத்தை அடைந்திருப்பது என்பது எனக்கு பெருமையான விஷயம். என்றார்.

• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...
• 
  சினிமா ஆனது இந்தியாவின் முதல் மகாத்மாவின் வாழ்க்கை
• 
  பழம்பெரும் ஹிந்தி நடிகர் மனோஜ் குமார் காலமானார்
• 
  முதல் கடார் என் சினிமாவை மூடியது... இண்டாவது கடார் திறந்து வைத்தது : சன்னி ...
• 
  'ரெய்டு 2' படத்தில் சிறப்பு பாடலில் தமன்னா!

• 
  குட் பேட் அக்லி டிரைலர் வெளியானது : நிச்சயம் அஜித் ரசிகர்களுக்கு ...
• 
  ஆக.,14ல் 'கூலி' ரிலீஸ்: அதிகாரப்பூர்வ அறிவிப்பு
• 
  ஜிவி பிரகாஷ், சைந்தவி விவாகரத்து வழக்கு: செப்.25ல் நேரில் ஆஜராக உத்தரவு
• 
  சத்யராஜ், காளி வெங்கட் இணைந்து நடிக்கும் 'மெட்ராஸ் மேட்னி'
• 
  மே மாதத்தோடு விஜய்யின் 'ஜனநாயகன்' படப்பிடிப்பு முடிவடைகிறது!