Dinamalar

குக் வித் கோமாளி குளறுபடி : எவிக்ட்டான கிஷோர் விளக்கம்

தமிழ் தொலைக்காட்சிகளில் பல தரமான எண்டர்டெயின்மெண்ட் நிகழ்ச்சிகளை தயாரித்து வரும் விஜய் டிவி, அவ்வப்போது சர்ச்சைகளிலும் சிக்குவதுண்டு. அந்த வகையில் குக் வித் கோமாளி சீசன் 4-ல் சென்ற வாரம் காளையன், ஷெரின், கிஷோர் ஆகியோர் எலிமினேஷன் ரவுண்டுக்கு சென்றனர். அதில் கிஷோர் சுமாராக சமைத்ததாக கூறி கிஷோர் எலிமினேட் செய்யப்பட்டார். இந்நிலையில், யு-டியூப் சேனல் ஒன்று சிவாங்கிக்கு பதில் கிஷோர் வெளியேற்றப்பட்டது போலவும், அதை கிஷோரே நேர்காணலில் சொல்வது போலவும் டைட்டில் வைத்து ஒரு வீடியோ வெளியிட்டிருந்தது. பேன் பேஜ் ஒன்றிலும் 'சிவாங்கிக்கு பதில் என்ன துரத்திட்டாங்க. கழுவி ஊற்றிய கிஷோர்' என்ற கேப்ஷனுடன் அந்த வீடியோ பகிரப்பட்டிருந்தது. வைரலான அந்த பதிவை பார்த்து பலரும் விஜய் டிவியையும், குக் வித் கோமாளி நிகழ்ச்சியையும் வசை பாடினர். இதுகுறித்து தகவல் அறிந்த கிஷோர் அந்த பதிவின் கீழ், 'தயவு செய்து இதை டெலிட் செய்து விடுங்கள். நான் எந்த பேட்டியும் கொடுக்கவில்லை. அந்த செய்தி போலியானது. போலி செய்திகளை நீக்கிவிடுங்கள்' என்று பதிவிட்டுள்ளார். இதனால் குக் வித் கோமாளி நிகழ்ச்சியின் எலிமினேஷன் குளறுபடி ஒருவழியாக முடிவுக்கு வந்தது.

• 
  வார் 2 : ஹிருத்திக் ரோஷன், ஜூனியர் என்டிஆர் இடையே நடன போட்டி?
• 
  நேரடியாக ஓடிடியில் வெளியாகும் பிரித்விராஜின் ஹிந்தி படம்
• 
  மனைவியின் பிரிவால் ஒன்றரை ஆண்டு தினந்தோறும் குடித்தேன் : அமீர்கான்
• 
  என் தந்தைக்கு புல் மீல்ஸ்... எனக்கு ஒரு ஸ்பூன் சாதம் : சல்மான்கான் சொன்ன ...
• 
  கல்கி 2898 ஏடி ஓராண்டு நிறைவு : அமிதாப்பச்சன் வெளியிட்ட பதிவு

• 
  அரச கட்டளை, என் ஜீவன் பாடுது, லியோ : ஞாயிறு திரைப்படங்கள்
• 
  ஜீ 5 ஓடிடி மற்றும் ஜீ 5 தமிழ் டிவியி ஒளிபரப்பாகும் சூரியின் மாமன்
• 
  கந்தன் கருணை, ஷாஜகான், வேட்டையன் - ஞாயிறு திரைப்படங்கள்
• 
  தனி விமானம் வாங்கினாரா சின்னத்திரை நடிகை?
• 
  வாரிசு: ஜீ தமிழில் புதிய தொடர்