தனுஷின் 50வது படத்தில் இணையும் மித்ரன் ஜவஹர்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

26 ஜன, 2023 - 04:12 IST

எழுத்தின் அளவு:

தற்போது அருண் மாதேஸ்வரன் டைரக்ஷனில் கேப்டன் மில்லர் என்கிற படத்தில் நடித்து வருகிறார் தனுஷ். இந்த படத்தை தொடர்ந்து அவரது திரையுலக பயணத்தில் மைல்கல்லாக அமைய இருக்கும் ஐம்பதாவது படத்தை அவரே இயக்குகிறார் என்று சில நாட்களுக்கு முன்பு தகவல் வெளியானது. இந்த படத்தில் எஸ்ஜே சூர்யா, விஷ்ணு விஷால், காளிதாஸ் ஜெயராம், துஷாரா விஜயன் ஆகியோர் நடிக்கிறார்கள் என்றும் சொல்லப்பட்டு வருகிறது. கேங்ஸ்டர் பாணியில் உருவாக இருக்கும் இந்த படத்திற்கு ராயன் என டைட்டில் வைக்கப்பட்டுள்ளதாகவும் தெரியவந்துள்ளது.

இந்த நிலையில் இந்த படத்தில் தனுஷின் திருச்சிற்றம்பலம் பட இயக்குனரான மித்ரன் ஜவஹரும் இணைந்துள்ளார் என்கிற தகவல் தற்போது வெளியாகி உள்ளது. ஆம்.. இந்த படத்தின் கதை விவாதத்தில் தான் தனுசுடன் இணைந்து பணியாற்றுகிறாராம் மித்ரன் ஜவஹர். தனுஷ் நடித்த யாரடி நீ மோகினி படத்தில் இயக்குனராக அறிமுகம் ஆகி அதைத்தொடர்ந்து அவரை வைத்து குட்டி, உத்தமபுத்திரன் என அடுத்தடுத்த படங்களை இயக்கிய மித்ரன் ஜவஹர் தனுஷுடன் நான்காவது முறையாக இணைந்த திருச்சிற்றம்பலம் திரைப்படம் மிகப்பெரிய வெற்றியை பெற்றது. இந்த நிலையில் தனுஷின் ஐம்பதாவது படத்தில் இவர் தனுஷுடன் ஐந்தாவது முறையாக கூட்டணி சேர்ந்துள்ளது குறிப்பிடத்தக்கது.

MithranJawahar

Dhanush50

Dhanush

கருத்துகள் (0) கருத்தைப் பதிவு செய்ய

உங்கள் பாதுகாப்பை அதிகரித்துக் ...

மூத்த ஸ்டன்ட் இயக்குனர் ஜூடோ கே.கே ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய